भोले तेरी भक्ति का अपना ही
बालाजी को सुमिरन कर ले भजन
बालाजी को सुमिरन कर ले भजन
बालाजी को सुमिरन कर ले,तो काम थारों हो जासी,
भक्ति को जोर लगा ले रे,
वरना पाछे पछतासी,
बाला जी को सुमिरन कर ले,
तो काम थारों हो ज्यासी।
तू तो मस्ती में खोयो रे,
तू तो जी भर के सोयो रे,
थारो काम नहीं होयो रे,
पक्को जोर तू नहीं लगायो,
भक्ति को तू जोर लगा ले,
थोड़ी मजबूती तो ल्या रे,
नहीं तो यमड़ो जूता मारे,
वो तो पुछे लो के ल्यायो,
कर ले तू बाला से यारी,
थारी टळ जासी रे फाँसी,
थारी टळ जासी रे फाँसी,
बाला जी को सुमिरन कर ले,
तो काम थारों हो ज्यासी।
के है बेटो के है नारी,
के कर ले सी रिश्तेदारी,
झूठी दुनियादारी सारी,
भाया कोई नहीं है थारो,
थारी कोठ्यां महल अटारी,
रह जासी रे अठै ही सारी,
कर ले आगे की तैयारी,
तेने ले जासी बिणजारो,
बस नाम सहारो ही साँचों,
परलोक में काम वो आसी,
परलोक में काम वो आसी,
बाला जी को सुमिरन कर ले,
तो काम थारों हो ज्यासी।
बालाजी को सुमिरण कर ले,
तो काम थारों हो जासी,
भक्ति को जोर लगा ले रे,
वरना पाछे पछतासी,
बाला जी को सुमिरण कर ले,
तो काम थारों हो ज्यासी।
बालाजी का सुमिरन कर ले | Balaji Ka Sumiran Karle | Lord Hanuman Bhajan | Mukesh Bagda |
