दादी खोल दे खजानो थारा टाबर आया भजन

(मुखड़ा)
दादी, खोल दे खजानों,
थारा टाबर आया ऐ,
दोन्यूँ हाथां माँ लुटावे,
लूटण आया ऐ,
दादी, खोल दे खजानों,
थारा टाबर आया ऐ।।

(अंतरा)
भादूड़ो महीनो प्यारो,
चंग सुरीला बाजे रे,
मंदरिये में झूम-झूम के,
नाचन आया रे,
दादी, खोल दे खजानों,
थारा टाबर आया ऐ।।

बैठी माँ दरबार लगाके,
सेठानी कूहावे ऐ,
थारा टाबर, थारी कृपा,
पावण आया ऐ,
दादी, खोल दे खजानों,
थारा टाबर आया ऐ।।

हौले-हौले बूंद पड़े माँ,
सावण-भादो बरसे रे,
भजना की बरखा में भी,
नहावण आया ऐ,
दादी, खोल दे खजानों,
थारा टाबर आया ऐ।।

इबके झोली भर दे दादी,
फेरू दौड़या आवा ऐ,
कुल की देवी थासु अर्जी,
लगावण आया ऐ,
दादी, खोल दे खजानों,
थारा टाबर आया ऐ।।

माल-खजाना भर्या पाड़्या माँ,
जा पर तेरो पहरो ऐ,
‘हर्ष’ दया की भीख भवानी,
माँगण आया ऐ,
दादी, खोल दे खजानों,
थारा टाबर आया ऐ।।

(पुनरावृति)
दादी, खोल दे खजानों,
थारा टाबर आया ऐ,
दोन्यूँ हाथां माँ लुटावे,
लूटण आया ऐ,
दादी, खोल दे खजानों,
थारा टाबर आया ऐ।।