घर में उगीयो रुंखड़ो जी लिरिक्स /चिरमी लिरिक्स अमजद बागड़वा Ghar Me Ugiyo Runkhado Bhajan Lyrics

Saroj Jangir

घर में उगीयो रुंखड़ो जी लिरिक्स /चिरमी लिरिक्स अमजद बागड़वा Ghar Me Ugiyo Runkhado Bhajan Lyrics

घर में उगीयो रुंखड़ो जी बीने,
सुसरो जी पाणी देवता,
जेठ जेठानी जी पूजता जी बीने,
बार त्यौंहारा म्हे भी सेवता,
के म्हाने सौंप दियो घर बार,
वारी जाऊँ चिरमी ने।

चिरमी तो बाबो सा रे लाडली सा,
चिरमी रा डाला चार,
वारी जाऊँ चिरमी ने।

चढ़ते सूरज देखूं जी मैं तो,
ढल्तोड़े देव ने मनाऊं जी,
हरियो भरियो राखियो जी म्हारे,
पितरां ने भी ध्याउँ जी,
म्हारे प्रीतम रो मान रखाय,
वारी जाऊँ चिरमी ने।

चिरमी तो बाबो सा रे लाडली सा,
चिरमी रा डाला चार,
वारी जाऊँ चिरमी ने।

घेर घुमेरे रूंखडै ने,
सुरग सो सुंदर बणावैली,
सास ससुर ने मात पिता रो,
मन सूं माण करावैली,
ओ म्हारी मां सा बतायो जी उपाय,
वारी जाऊं चिरमी नै।

चिरमी तो बाबो सा रे लाडली सा,
चिरमी रा डाला चार,
वारी जाऊँ चिरमी ने,
चिरमी तो बाबो सा रे लाडली सा,
चिरमी रा डाला चार,
वारी जाऊँ चिरमी ने।