आओ आओ म्हारी दादीजी थे आंगण

(मुखड़ा)
आओ आओ म्हारी दादीजी,
थे आंगण में,
थाने म्हें उडिका मैया जागण में।।

(अंतरा)
कीर्तन की रात मैया,
बेगा बेगा आओ,
टाबरिया बुलावे मैया,
बेगा बेगा आओ,
कांई लागे है जी,
कांई लागे है जी,
मैया थारे आवण में,
रातां म्हे जगावा थारी जागण में।।

ढोल नगाड़ा मैया,
मेंजीरा बजावां,
मीठा मीठा दादी थाने,
भजन सुनावां,
दादी टाबरिया,
दादी टाबरिया,
नाचे है थारे आंगण में,
रातां म्हे जगावा थारी जागण में।।

लाल चुनरिया मैया,
थाने उढावां,
चांदी रो मैया थारे,
छत्र लगावां,
म्हें तो फुलां स्यूं,
म्हें तो फुलां स्यूं,
सजायो थारे आंगण ने,
रातां म्हे जगावा थारी जागण में।।

“केशव” केवै मैया म्हारी,
अरज सुनिज्यो,
चरणां री चाकरी थे,
म्हानै भी दिज्यो,
म्हाने लाज कोनी,
म्हाने लाज कोनी,
आवे थांसु मांगण में,
रातां म्हे जगावा थारी जागण में।।

(पुनरावृत्ति)
आओ आओ म्हारी दादीजी,
थे आंगण में,
थाने म्हें उडिका मैया जागण में।।