सतगुरु पारस खान है लिरिक्स Satguru Paras Khan Hai Lyrics, Rajasthani Satugudev bhajan (Guru Mahima Bhajan) Mahendra Singh Rathore

ओ भाई रे, सतगुरु पारस खान है,
लोहा जुग सारा,
टूक इक पारस संग रमे,
होवे कंचन तन सारा,
ऐड़ो सतवादी म्हारों सायबो,
उपजेला ब्रह्म विचारा,
ऐड़ो सतवादी म्हारों सायबो।

ओ भाई रे, इण शबदां में म्हारों मन बस्यो,
ठंडा नीर अथागा,
इण शबदा में म्हारों मन बस्यो,
ठंडा नीर अथागा,
चुबकी मारी गुरु रे नाम री,
कण लाया ततसारा,
चुबकी मारी गुरु रै नाम री,
कण लाया ततसारा,
सतगुरु पारस खान है,
लोहा जुग सारा,
ऐड़ो सतवादी म्हारों सायबो।

अरे भाई रे, इण रे शब्दा रा,
आपे सौदा करा,
हीरा हीरा गुण भरांवा,
संत मिले सौदा करे,
महंगा मौल बिकेवा,
ऐड़ो सतवादी म्हारों सायबो।
उपजेला ब्रह्म विचारा,
सतगुरु पारस खान है,
लोहा जुग सारा,
सतगुरु पारस खान है।

अरे भाई रे, सीप समद माहीं रहत है,
समंदा रा काई लेत है,
बूंद पड़े आसोज री,
शोभा समदरियां ने देवे ओ,
ऐड़ो सतवादी म्हारों सायबो।
उपजेला ब्रह्म विचारा,
सतगुरु पारस खान है,
लोहा जुग सारा,
सतगुरु पारस खान है।

अरे भाई रे, सतिया धरम ने झेलणा,
भव जल उतरो पारा,
शेख फरीद सा री विनती,
मैं जुग जुग दास तुम्हारा,
ऐड़ो सतवादी म्हारों सायबो।
उपजेला ब्रह्म विचारा,
सतगुरु पारस खान है,
लोहा जुग सारा,
सतगुरु पारस खान है।

सतगुरु पारस खान है,
लोहा जुग सारा,
टूक इक पारस संग रमे,
होते कंचन तन सारा,
ऐसो सतवादी म्हारों सायबो,
उपजेला ब्रह्म ज्ञाना,
ऐसो सतवादी म्हारों सायबो।

Rajasthani Song | Satguru Paras Khan Hai | Mahendra Singh Rathore Live 2015 | Marwadi Live Bhajan