भोले तेरी भक्ति का अपना ही
बालाजी मनै रस्ता देदे तेरा गुण भूलू ना
बालाजी मनै रस्ता दे दे तेरा गुण भूलू ना
हो के बुझेगा मन की बाबा,मेरा रूस गया भगवान,
बालाजी मनै रस्ता दे दे,
तेरा गुण भूलू ना शान,
हो के बुझेगा मन की बाबा,
मेरा रूस गया भगवान।
इन भूतां ने हो मेरे बाबा,
मेरी करदी रे रे माटी,
बाबा हो मेरा कोय नहीं सै,
मेरी दुख मे पाटे छाती,
कोई नहीं सै मेरा हिमाती,
इब तुँ ही बचाले जान,
हो बाबा मन्नै रस्ता दे दे
तेरा गुण भूलूँ ना शान।
कोई नहीं मेरा भाई चारा मैं
आण पड़या सुं दर पे,
बाबा हो मेरी धीर बंधादे
मेरे हाथ टेकदे सिर पे,
आण पड़या सुँ तेरे दर पै,
यो नफरत करः जहान,
बालाजी मन्ने रस्ता दे दे
तेरा गुण भूलूँ ना शान।
दुनिया के मह डंका बाजे
हो बाबा तेरे नाम का,
हो रामायण मैं लिख राखी सै,
तू सच्चा सेवक राम का,
प्रेत राज और भैरों बाबा
तेरे दूत वीर बलवान,
बालाजी मन्ने रस्ता दे दे
तेरा गुण भूलूँ ना शान।
राम किशन कह तेरे द्वार की
मने लीला लागि प्यारी,
हो बाबा कृपा कर के कदे
तू म्हारे आजा गाम सुनारी,
हो दिल मैं आशा भारी तुम
कृपा करो भगवान,
बालाजी मन्ने रस्ता दे दे
तेरा गुण भूलूँ ना शान।
बालाजी मनै रस्ता दे दे तेरा गुण भूलू ना शान | Mera Ruth Gaya Bhagwan | Balaji Bhajan | Sheela Kalson
