हे गुरुदेव दया के सागर लिरिक्स Hey Gurudev Daya Ke Sagar Lyrics
हे गुरुदेव दया के सागर,दया करो सरकार,
थां रै बिना मेरो,
कोई ना पालनहार।
दृष्टि दया री थां री हो,
जद पार पड़ै,
दुखिया सब संसार,
दैख कै जीव डरै,
दीन दुखी ऐं सेवकियै री,
सुणल्यो करुण पुकार,
थां रै बिन मेरो कोई ना।
मैं निर्बल थे सबल,
भगत हो पूंच्येड़ा,
जै थे थामो हाथ,
पार लगै बेड़ा,
बाबाजी सूं सल्लाह करकै,
करो मेरो उद्धार,
थां रै बिन मेरो कोई ना।
छल फरेब ई दुनिया रा,
मैं के जाणूं,
थां रै चरणां मांय,
सदा मस्ती छांणू,
आगै लारै थे ही म्हां रै,
जीवण़ रा आधार,
थां रै बिन मेरो कोई ना।
सामरथां नै शरम,
काम मेरो करणो है,
उदयाळै मं आंख्या,
हो गई झरणो है,
श्यामबहादुर शिव दर्दी रा,
संकट दीज्यो टार,
थां रै बिन मेरो कोई ना।
हे गुरुदेव दया के सागर,
दया करो सरकार,
थां रै बिना मेरो,
कोई ना पालनहार।
Guru Vandana - Hey Gurudev Daya ke Sagar by Shivcharan ji Bhimrajka — Singer Manish ji Sharma Jaipur
