मेरो मन अनत कहां सुख पावे लिरिक्स Mero Man Anant Kaha Lyrics

मेरो मन अनत कहां सुख पावे,
जैसे उड़ी जहाज को पंछी,
पुनि जहाज पे आवे,
मेरो मन अनत कहां,
अनत कहां सुख पावे।

कमल नयन कौ छाड़ि महातम,
और देव को ध्यावे,
परम गंग को छाड़ि पिया सौ,
दुर्मति कूप खनावे,
मेरो मन अनत कहां,
अनत कहां सुख पावे।

जिहि मधुकर,
अम्बुज रस चाख्यो,
क्यूं करील फल भावे,
सूरदास प्रभु कामधेनु,
तजि छेरी कौन दुहावै,
मेरो मन अनत कहां,
अनत कहां सुख पावे।