म्हारे इ बुलावै नै ना नाटो म्हारा श्यामजी लिरिक्स Mhare Ai Bulave Ne Bhajan Lyrics

म्हारे इ बुलावै नै ना नाटो,
म्हारा श्यामजी,
टाबरा कै कानि एक बर,
झांको म्हारा श्यामजी।

घुड़लो थारो चुप चुप,
बैठ्यो ऊब जावैलो,
थोड़ा सा चलावोगा,
तो बो भी झूम जावैलो,
नीलै नीलै घोड़े नै थे,
हाँको म्हारा श्यामजी।

टूटै ना विश्वास बाबा,
आनो थानै पड़सी,
बालका नै कालजै,
लगानो थानै पड़सी,
मत ना करो मनड़े नै,
खाटो म्हारा श्यामजी।

जीवड़ो ऊमड़्यो आवै म्हारो,
जैया सावन भादवो,
शुभम रुपम नै बाबा,
एक थारो आसरो,
अठिनै बठिनै मत ना ताको,
म्हारा श्यामजी।

म्हारे इ बुलावै नै ना नाटो,
म्हारा श्यामजी,
टाबरा कै कानि एक बर,
झांको म्हारा श्यामजी।