भावना सू ध्यावे ज्यां पर मेहर घणी लिरिक्स Bhavana Su Dhyave Bhajan Lyrics

श्यामधणी म्हारा श्यामधणी,
भावना सू ध्यावे,
ज्यां पर मेहर घणी,
श्यामधणी म्हारा श्यामधणी,
भावना सू ध्यावे,
ज्यां पर मेहर घणी।

सिंगोली में मंदिर भारी,
महिमा है न्यारी,
दुर दुर सूं आवे थारे,
लाखों ही नर नारी,
भक्तां को मेलो भारी,
भीड़ घणी,
भावना सू ध्यावे,
ज्यां पर मेहर घणी।

नित नवा सिणगार ठाकुर जी,
छवि या लागे प्यारी,
सज धज कर विराज्या ठाकुर,
महिमा बरणी ना जाई,
पल पल निहारूं सुरत,
लागे सोवणी,
भावना सू ध्यावे,
ज्यां पर मेहर घणी।

पीला पितांबर बागा सोवे,
छवि है न्यारी,
केसर बरणो रूप सोहणो,
सुरतिया रूपाली,
सोना रा सिंहासन उपर,
बिराज्या धणी,
भावना सू ध्यावे,
ज्यां पर मेहर घणी।

कसुमल पाग कलंगी सोहे,
जामा की छवि न्यारी,
काना मांही कुंडल दमके,
कमरिया सजी कटारी,
पागा वाला तुर्रा ज्यामें,
रेशम घणी,
भावना सू ध्यावे,
ज्यां पर मेहर घणी।

बालक थाको देव शर्मा,
लिख लिख भजन बणायो,
भूल चूक ने माफ करज्यो,
जेसा सुज्यो गायो,
भोला भगतां की लाज,
राखे है धणी,
भावना सू ध्यावे,
ज्यां पर मेहर घणी।

श्यामधणी म्हारा श्यामधणी,
भावना सू ध्यावे,
ज्यां पर मेहर घणी।