सुण मालीड़ा कर दे रे ऐसो झूलो त्यार लिरिक्स Sun Malida Kar De Bhajan Lyrics

सुण मालीड़ा कर दे रे,
ऐसो झूलो त्यार,
जीमें बैठ के म्हारी दादी,
बरसावे घणो ही प्यार,
सुण मालीड़ा कर दे रे,
ऐसो झूलो त्यार।

रंग बिरंगा फुलड़ा ल्याकर,
झूले ने सजवाया हां,
रेशम की या डोर मंगाकर,
झूले में घलवाया हां,
थारा टाबरिया झूलावै,
थारो झूलो है तैयार,
सुण मालीड़ा कर दे रे,
ऐसो झूलो त्यार।

लाल सुरंगी चुनड़ी थारै,
माथे ऊपर सोये रही,
लाल लाल फूलां की झांकी,
सबको मनड़ो मोय रही,
थारा टाबरिया बुलावे,
थारा बालकिया बुलावे,
थारी घणी करां मनुहार,
सुण मालीड़ा कर दे रे,
ऐसो झूलो त्यार।

झूलों सजो थारो अलबेलो,
रिमझिम सावन बरस रह्यो,
दादी झूले टाबर झुलावे,
मोर पपैया नाच रह्यो,
माँ देख के थारी झांकी,
मधु को धन्य हुयो परिवार,
सुण मालीड़ा कर दे रे,
ऐसो झूलो त्यार,
जी में बैठके म्हारी दादी,
बरसावे घणो ही प्यार,
सुण मालीड़ा कर दे रे,
ऐसो झूलो त्यार।