अरे रूणिचा रो मेलो आयो

 

अरे रूणिचा रो मेलो आयो रे

लीलो घोड़ो नवल को
मोत्या जड़ी लगाम
भक्त घणा दुःख पारिया
थारा घोडा ने घुमादे श्याम

अरे रूणिचा रो मेलो आयो रे
बाबा घोडा ने घुमादे रे
घोडा ने घुमादे रे बाबा
थारा घोडा ने घुमादे रे
रूणिचा रो मेलो आयो रे
बाबा घोडा ने घुमादे रे

अजमल घर अवतार लियो रे बाबा
भक्ता से उभार लियो रे बाबा
कुमकुम रा पगल्या दिखाया रे
बाबा घोडा ने घुमादे रे

सरवरिया रो निर्मल पानी
कंचन कर दे रे जिंदगानी
दुखिया ने सुखिया कर दे रे
बाबा घोडा ने घुमादे रे

पूंगलगढ़ सुगना परणाई
दुखड़ा सु बिलखे या बाई
बहनन सु तो मिलबा आजा रे
बाबा घोडा ने घुमादे रे