नर रे नारण री देह बनाई नुगरा भजन

Saroj Jangir

नर रे नारण री देह बनाई नुगरा भजन

नुगरा मनख तो मिलो मति,
पापी मिलो हजार।
एक नुगरा रे सर पर,
लख पापियों रो भार।।

नर रे नारायण री देह बनाई,
नुगरा कोई मत रेवना।
नुगरा मनख तो पशु बराबर,
उनका संग नहीं करना।।
राम भजन में हाल मेरा हंसा,
इन जग में जीवणो थोड़ा रे।।

काया नगर में मेला भरीजे,
नुगरा-सुगरा सब आवे।
हरिजन, हिरला, बामण,
कमाया, मूर्ख मोल गंवावे।।
राम भजन में हाल मेरा हंसा,
इन जग में जीवणो थोड़ा रे।।

अडारे वरन री गायों दुहावो,
एक वर्तन में लेवना जी।
मथे-मथे नी माखन लेना,
वर्तन उजला रखना जी।।
राम भजन में हाल मेरा हंसा,
इन जग में जीवणो थोड़ा रे।।

आगलो आवे अग्नि स्वरूपी,
जल स्वरूपी रहना जी।
जोनु रे आगे अजोनु वेना,
सुन-सुन वस्त्र लेवना जी।।
राम भजन में हाल मेरा हंसा,
इन जग में जीवणो थोड़ा रे।।

काशी नगर में रहता कबीरसा,
डोरा-धागा बणता जी।
सारा संसार में धर्म चलायो,
निर्गुण माला फेरता जी।।
राम भजन में हाल मेरा हंसा,
इन जग में जीवणो थोड़ा रे।।

अण संसारिया में आवणो-जावणो,
वैर किसी से मत रखना।
केवे कमाली कबीरसा री शैली,
फिर जन्म नहीं लेवना जी।।
राम भजन में हाल मेरा हंसा,
इन जग में जीवणो थोड़ा रे।।