म्हारें मनड़े री डोर दादी खींच्यो थारी ओर लिरिक्स Mhare Manade Ree Dor Dadi Khinchyo Lyrics

म्हारें मनड़े री डोर, दादी खींच्यो थारी ओर,
थासूं विनती करा हाँ दादी दोनों हाथा जोड़,
म्हारे सिर पर हाथ फिराओ,
म्हारें हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,

जद से देख्यों थारो द्वारों, भूल गयो हूँ जग मैं सारो,
कई जन्मा से है लेखो जोखो, दादी थारो म्हारों,
म्हारे सिर पर हाथ फिराओ,
म्हाने हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,

म्हाने भूल बिसर मति जाजो, म्हारी विनती सुनके आजो,
मैं भी टाबरिया हाँ थारा दादी, म्हासूं भी बतलाजो,
म्हारे सिर पर हाथ फिराओ
म्हाने हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,

थे हो सारे जग की ठाकर, म्हे हाँ थारे चरण का चाकर,
सारी दुनियां भूल गया हां, दादी थाने म्हें तो पाकर,
म्हारें सिर पर हाथ फिराओ
म्हाने हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,

थारो सेवकियो है श्याम, लेवे हर पल तेरो नाम,
थारे चरणां माहीं दादी म्हारा, सारा तीरथ धाम,
म्हारे सिर पर हाथ फिराओ,
म्हारें हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,
थासूं विनती करा हाँ दादी दोनों हाथा जोड़,
म्हारे सिर पर हाथ फिराओ,
म्हारें हिवड़े से लगाओ, म्हारी मावड़ी,
म्हारें मनडे री डोर, दादी खींचो थारी ओर,