साँवरा थारी माया रो पायो कोनी पार

साँवरा ने ढूंढ़ण मैं गई,
और कर जोगण रो भेष,
ढूँढत ढूंढत हार गई,
भर धवळा केश।

साँवरा थारी माया रो,
पायो कोनी पार,
भेद कोनी जाण्यो रै,
दयालु दीना नाथ,
सांवरा थारी माया रो,
पायो कोनी पार,
भेद कोनी जाण्यो रै,
दयालु दीना नाथ।

गऊ रा जाया बैलियाँ,
कमावे दिन रात,
बूढ़ा कर कर बेचे हो,
दयालू दीना नाथ,
सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।

इन्दर कोप कियो बृज ऊपर,
बरसियों मूसळधार,
नख पर गिरधर धारयो रै,
दयालू दीना नाथ,
सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।

हिरण्यकश्यप प्रह्लाद ने बरज्यो,
बरज्यो बारम्बार,
राम नाम नहीं लेणा रै,
दयालू दीना नाथ,
सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।

विष रा प्याला राणो भेजिया,
दीज्यों मीरा ने जाय,
विष अमृत कर डालियो रै,
दयालू दीना नाथ,
सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।

बाई मीरा री अरज विनती,
सुण ज्यो सिर्जन हार,
में चरणा री दासी रै,
दयालू दीना नाथ,
सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।

सांवरा थारी माया रो,
पायो कोनी पार,
भेद कोनी जाणूं हो,
दयालु दीना नाथ।