झुँझन वाली गाडी में घुमाय ल्याऊं भजन

झुँझन वाली गाड़ी में घुमाय ल्याऊं,
चालो चालो जी चालो चालो जी,
थाने दादी से मिलाय ल्याऊं,
झुंझुनूं वाली गाड़ी में घुमाय ल्याऊं।।

झटपट खटपट टिकट कटा ल्यो,
छूट ज्यावेगी गाड़ी,
ई गाड़ी में बैठणीया ने,
मिलज्यावेगी लाड़ी,
चालो चालो थारी चालो चालो थारी,
जोड़ी जुड़वाय ल्याऊं,
झुंझुनूं वाली गाड़ी में घुमाय ल्याऊं।।

छुक छुक गाड़ी चाल पड़ी है,
आज्या ए बड़भागण,
दादीजी की किरपा से तू,
रहवै सदा सुहागण,
चालो चालो थारो चालो चालो थारो,
चुड़लो अमर कराय ल्याऊं,
झुंझुनूं वाली गाड़ी में घुमाय ल्याऊं।।

नाच कुदतो मस्ती में जो,
ई गाड़ी में बैठे,
ऊणकी गाड़ी सरपट भागै,
कदे न ठालो बैठे,
चालो चालो थारी चालो चालो थारी,
किस्मत चमकवाय ल्याऊं,
झुंझुनूं वाली गाड़ी में घुमाय ल्याऊं।।

खड़या खड़या के सोच रहया हो,
डीक रही सेठाणी,
एक बर गाड़ी छूट गई तो,
फेर के आणी जाणी,
चालो चालो थाने चालो चालो थाने,
दर्शन कराय ल्याऊं,
झुंझुनूं वाली गाड़ी में घुमाय ल्याऊं।।

भग्तां के संग अम्बरीष बोले,
गाड़ी छूट न ज्यावै,
थारी दया से म्हारी गाड़ी,
आगे बढ़ती जावै,
चालो चालो थारो चालो चालो थारो,
मंगल कराय ल्याऊं,
झुंझुनूं वाली गाड़ी में घुमाय ल्याऊं।।

झुँझन वाली गाड़ी में घुमाय ल्याऊं,
चालो चालो जी चालो चालो जी,
थाने दादी से मिलाय ल्याऊं,
झुंझुनूं वाली गाड़ी में घुमाय ल्याऊं।।