राणा जी थारों देशड़लो रंग रूड़ो

राणा जी थारों देशड़लो रंग रूड़ो भजन

जनमी मीरा मेड़ता,
परणाई चित्तोड़,
श्याम भजन प्रताप से,
सकल श्रष्टि सिरमौर,
मीरा थारा देस में,
निपजै तीन रतन,
एक भक्ति दूजी शक्ति,
तीजो है सतसंग।
थारा देशा में,
राणा,  साधू नहीं रे,
लोग बसे सब कुड़ो,
सब कुड़ो रे,
नहीं भावे थारो, देशडलो रंग रूड़ो,
मेवाड़ी राणा रे, देशड़लो रंग रूड़ो,
देशड़लो रंग रूड़ो,
राणा जी थारों देशड़लो रंग रूड़ो,
कोनी पेरूली थारो चूड़ो रै,
राणा जी थारो देशड़लो रंग रूड़ो।

हार श्रृंगार बीरा, सब ने त्यागी,
त्यागी कर्मा रो चूड़ो रै,
नहीं भावे, थारों देशड़लो रंग रूड़ो,
मेवाड़ी राणा रे, देशड़लो रंग रूड़ो।

सतरस भोजन सब ने त्यागी,
त्यागी शक़्कर बुरो,
नहीं भावे, थारों देशड़लो रंग रूड़ो,
मेवाड़ी राणा रे, देशड़लो रंग रूड़ो।

तन की आस राणा,
कदेहि ना कीनी,
ज्यूं रण माँहि शूरो रे, यो शुरो रै,
नहीं भावे, थारों देशड़लो रंग रूड़ो,
मेवाड़ी राणा रे, देशड़लो रंग रूड़ो।

मीरा के प्रभु गिरधर नागर,
मीरा बाई छोड़ो नी,
साधुड़ो रो साथ,
साधुड़ो थाके को दाग लगावे रे,
नहीं भावे, थारों देशड़लो रंग रूड़ो,
मेवाड़ी राणा रे, देशड़लो रंग रूड़ो।

राणा जी मुखड़ा से मीठा मीठा बोलो,
साधुड़ा म्हाने राम सूं मिलावे रै,
नहीं भावे, थारों देशड़लो रंग रूड़ो,
नहीं भावे, थारों देशड़लो रंग रूड़ो,
मेवाड़ी राणा रे, देशड़लो रंग रूड़ो।