नहीं भावे थारों देशड़लो रंग रूड़ो भजन

नहीं भावे थारों देशड़लो रंग रूड़ो भजन

केशव थारे काज,
मैं भगवा वस्त्र धारियां,
मैं माला लीनी हाथ,
रटती फिरुँ रे जेठवा,
जुग में जोड़ी दोय,
के चकवो के सारसी,
तीजी मिली ना कोई,
जो जो हारि जेठवा,
म्हारी अंगीठी में आग,
बैरी लौ लगाय गयो,
अरे मैं कुळ में गिणु गँवार,
जो जो हारी जेठवा।

नहीं भावे थारों देशड़लो, रंग रूड़ो,
राणाजी थारो देशड़लो, रंग रूड़ो,
थारां देशां मे राणा साधु नहीं छै,
थारां देशां मे राणा, साधुड़ा रे कोनी,
अठे लोग बसे सब कुड़ो रै,
बादिला राणा, देशड़लो रंग रूड़ो,
नहीं भावे थारों देशड़लो, रंग रूड़ो।

काजल टिकी राणा छोड़ दिया मैं,
छोड़ियों हाथां रो चूड़ो,
बादिला राणा, देशड़लो रंग रूड़ो,
नहीं भावे थारों देशड़लो, रंग रूड़ो।

हार श्रृंगार राणा, बादिला राणा,
हार श्रृंगार राणा छोड़ दिया मैं,
छोड़ियो माथां रो जुड़ो,
बादिला राणा, देशड़लो रंग रूड़ो,
नहीं भावे थारों देशड़लो, रंग रूड़ो।

बाई मीरा गावे राणा, ए मेरे श्याम,
मेरे श्याम, मेरे श्यामा,
बाई मीरा गावे गिरधर रा गुण,
वर पायो मैं पूरो,
बादिला राणा, देशड़लो रंग रूड़ो,
नहीं भावे थारों देशड़लो, रंग रूड़ो।

नहीं भावे थारों देशड़लो, रंग रूड़ो,
राणाजी थारो देशड़लो, रंग रूड़ो,
थारां देशां मे राणा साधु नहीं छै,
थारां देशां मे राणा, साधुड़ा रे कोनी,
अठे लोग बसे सब कुड़ो रै,
बादिला राणा, देशड़लो रंग रूड़ो,
नहीं भावे थारों देशड़लो, रंग रूड़ो।