भोले तेरी भक्ति का अपना ही
बालाजी मेरा संकट काटो
बालाजी मेरा संकट काटो
हो बालाजी मेरा संकट काटो नै,हो इधर उधर न डोल रहया,
मेरे दिल ने डाटो नै,
बालाजी मेरा संकट काटोनै।
तेरे भवन पै आगी बाबा,
दया करो न मेरे पै,
तेरे चरणां में शीश नवाऊँ,
धज्जा चढ़ाऊँ तेरे पै,
दुर दुर तं दुखिया आवै,
मेंहदीपुर डेरे पै,
तेरे चरणां में आण पड़ी,
मेरा साटा काटों नै
हो बालाजी मेरा संकट काटो नै,
हो इधर उधर न डोल रहया,
मेरे दिल ने डाटो नै।
सासु जी भी न्युं बोली तुं,
बिल्कुल बांझ लुगाई स,
आपणे पीहर चाली जा,
आड़ः के तेरी असनाई स,
छोटा देवर न्युं बोला या,
छलिया घणी लुगाई स,
घर तं बेघर करण लाग,
रहे दुख ने काटो न
हो बालाजी मेरा संकट काटो नै,
हो इधर उधर न डोल रहया,
मेरे दिल ने डाटो नै।
तेरे भवन प आगी बाबा,
गोद भरा क जाऊँगी,
मेरी कामना पुरी करदे,
फेर भवन प आऊँगी,
यो अहसान मेरे प करदे,
दुनिया में गुण गाऊँगी,
ताने सुण सुण रूप बिगड़ गया,
रंग ने छाटो नै,
हो बालाजी मेरा संकट काटो नै,
हो इधर उधर न डोल रहया,
मेरे दिल ने डाटो नै।
कह मुरारी तेरे भवन का,
दुनिया के महां बैरा स,
दुख चिंता में शरीर पड़ा,
यो चारों ओर अँधेरा स,
और जुल्म मै सहन ना सकती,
इतणा कष्ट भतेरा स,
जै कोये खत होई मेरे तं बेसक नाटो न
हो बालाजी मेरा संकट काटो नै,
हो इधर उधर न डोल रहया,
मेरे दिल ने डाटो नै।
हो बालाजी मेरा संकट काटो नै,
हो इधर उधर न डोल रहया,
मेरे दिल ने डाटो नै,
बालाजी मेरा संकट काटोनै।
भजन श्रेणी : हनुमान भजन (Hanuman Bhajan)
बालाजी मेरा संकट काटोBalaji Mera Sankat Kato [Full Song] Sankat Kato Balaji
इस भजन से सबंधित अन्य भजन निचे दिए गए हैं जो आपको अवश्य ही पसंद आयेगे, कृपया करके इन भजनों को भी देखें.
पसंदीदा गायकों के भजन खोजने के लिए यहाँ क्लिक करें।
