आतां विश्वात्मकें देवें येणे वाग्यज्ञें पसायदान

आतां विश्वात्मकें देवें येणे वाग्यज्ञें पसायदान

 
पसायदान Pasaaydan Bhajan Lyrics

आतां विश्वात्मकें देवें,
येणे वाग्यज्ञें तोषावें,
तोषोनिं मज द्यावे,
पसायदान हें।

जें खळांची व्यंकटी सांडो,
तया सत्कर्मी रती वाढो,
भूतां परस्परे पडो,
मैत्र जिवांचें।

दुरिताचे तिमिर जावो,
विश्व स्वधर्म सूर्यें पाहो,
जो जे वांछील तो तें लाहो,
प्राणिजात।
 
वर्षत सकळ मंगळी,
ईश्वरनिष्ठांची मांदियाळी,
अनवरत भूमंडळी,
भेटतु भूतां।

चलां कल्पतरूंचे आरव,
चेतना चिंतामणींचें गाव,
बोलते जे अर्णव,
पीयूषाचे।

चंद्रमे जे अलांछन,
मार्तंड जे तापहीन,
ते सर्वांही सदा सज्जन,
सोयरे होतु।

किंबहुना सर्व सुखी,
पूर्ण होऊनि तिन्हीं लोकी,
भजिजो आदिपुरुखी,
अखंडित।

आणि ग्रंथोपजीविये,
विशेषीं लोकीं इयें,
दृष्टादृष्ट विजयें,
होआवे जी।

येथ ह्मणे श्री विश्वेशराओ,
हा होईल दान पसावो,
येणें वरें ज्ञानदेवो,
सुखिया झाला।
 

Pasaydan WIth Lyrics | पसायदान | Sant Dnyaneshwar Mauli | Rajshri Soul

Language : Marathi
Lyrics : Sant Dnyaneshwar
Composer : Traditional
Artist : Susmirata Dawalkar

आपको ये पोस्ट पसंद आ सकती हैं
Next Post Previous Post