देशाणा री डोकरी थारी लीला अपरम्पार लिरिक्स Deshana Ree Dokari Thari Lyrics

देशाणा री डोकरी थारी लीला अपरम्पार,
भगतां रे हित दौड़ी जावे पल नहीं करे अवार।

भगतां तारण दुष्ट संहारण मात बड़ी बलवान,
दुख टल जावे सुख सरसावे तू है दयानिधान।

आदि अनादि ईश्वरी अंबे निरधन री आधार,
देशाणे री डोकरी थारी लीला अपरम्पार।

ओ जग झूठो घणो झमेलो किण ने बोलू जाय,
सगती हाथ रखो सिर ऊपर शरण पड़्यो सुरराय।

रसना रोज रटू रिधु थांने सुणज्यो प्रेम पुकार,
भगता रे हित दौड़ी जावे पल नहीं करे अवार,
देशाणा री डोकरी थारी लीला अपरम्पार।

जगमग जगमग जोत जलाऊं मेहाई मंढ आय,
धूप लगावूं चिरजा गांवू थांरे चरणा मांय।

काबा करे किलोल हमेशा नेणा निजर निहार,
भगतां रे हित दौड़ी जावे पल नहीं करे अवार,
देशाणा री डोकरी थारी लीला अपरम्पार।

अंतस में दरशण अभिलाषा हाजिर रहूं हुजूर,
पण नितका नहीं आय सकूं मां मढ देशाणो दूर।

एक दिवस में एक बार दरशण दे मेहदुलार,
भगतां रे हित दौड़ी जावे पल नहीं करे अवार,
देशाणा री डोकरी थारी लीला अपरम्पार।

काना सूं मत बहरा होवो अरजी सुण मम आज,
लाल धजाली काबा वाली रख ले म्हारी लाज।

शक्ति भक्ति नित मांगत मैया वासुदेव मिहार,
भगतां रे हित दौड़ी जावे पल नहीं करे अवार,
देशाणा री डोकरी थारी लीला अपरम्पार।