नर चेत ले बुढ़ापा आवेगा लिरिक्स Nar Chet Le Budhapa Aavega Bhajan Lyrics

Saroj Jangir

नर चेत ले बुढ़ापा आवेगा लिरिक्स Nar Chet Le Budhapa Aavega Bhajan Lyrics

नर चेत ले बुढ़ापा आवेगा,
सब दिन ना रहे जवानी,
नर चेत ले बुढ़ापा आवेगा,
सब दिन ना रहे जवानी।

आवेग बुढ़ापा भाई,
सुनो चित लाये के,
हो जावेगा बहरा,
रंग रूप को गंवाय के,
सुकड़ जागी खाल,
तेरी रोग घेरे आय के,
आंख्यां से भी अंधा हो जा,
सिर के हो जा धोले बाल,
काना ते भी बहरा हो जा,
दांत जाड़ जागे हाल,
बिगड़ जागा होश तेरा,
टपक टपक गेरे राल,
हाय बैठा तकदीर मिलावेगा,
रे मुख से ना निकले वाणी,
नर चेत ले बुढ़ापा आवेगा,
सब दिन ना रहे जवानी,
नर चेत ले बुढ़ापा आवेगा,
सब दिन ना रहे जवानी।

हाथ नहीं हाले तेरे,
जोर भी लगावेगा,
पैर लागे कांपने ने,
चाला नहीं जावेगा,
बादी घेरे आन तनै,
पाप भी सतावेगा,
चित ना ठिकाने रहवे,
थोड़े थोड़ जावे मन,
काया में ना चैन सुहावे,
गंदा हो जा तेरा मन,
सांस नहीं आवे खासा,
चाल्या ना सुहावे धन,
फिर पड़ा पड़ा गम खावेगा,
दुख बहुत सहवेगा प्राणी,
नर चेत ले बुढ़ापा आवेगा,
सब दिन ना रहे जवानी,
नर चेत ले बुढ़ापा आवेगा,
सब दिन ना रहे जवानी।

घर के तने फेक बंदे,
दरवाजे पर देंगे डाल,
भाई बंधु ताने मारे,
सेवा भी ना करे नार,
देही ऊपर मांखी बैठे,
पास भी ना आवे यार,
बोले तै भी बोला जा ना,
कु कु कर के लेगा हार,
और कोई ना जोर चाल,
पड़ा पड़ा तू सके गाल,
बेटे पोते तेरे भाजेंगें,
ये डल्ला मार मार,
हीर फिर बैठा नहीं सुहावेगा रे,
मांग्यां भी मिले ना पानी,
नर चेत ले बुढ़ापा आवेगा,
सब दिन ना रहे जवानी,
नर चेत ले बुढ़ापा आवेगा,
सब दिन ना रहे जवानी।

बुढ़ापे ने देख बंदे,
नाक क्यों चढ़ावे से,
बुढ़ापा और मौत बंदे,
सबको ही आवे से,
दो दिन का मुसाफिर होकर,
खामखां घबरावे से,
एक दिन तू भी बुड्ढा हो जा,
ऐसी मत ना करिए भूल,
पुत्र धन स्त्री को तू,
देख देख रहा फूल,
जवानी के नशे में तू,
सतगुरु जी को रया भूल,
फिर जब नाम पर हो जावेगा,
तने मौज मिले मस्तानी,
नर चेत ले बुढ़ापा आवेगा,
सब दिन ना रहे जवानी,
नर चेत ले बुढ़ापा आवेगा,
सब दिन ना रहे जवानी।