जद सूं थांकी देखी सूरतिया लिरिक्स Jad Su Thaki Dekhi Surtiya Lyrics

जद सूं थांकी देखी सूरतिया,
चैन वैन म्हने आवे नहीं,
क्यूट फेस थाँरो हिवड़े बस ग्यो,
और कोई मन भावे नहीं।

कइयां करूँ इजहार ए गोरी,
हेत काळजे मावे नहीं,
थारे अलावा अब सपणा में,
और म्हारे कोई आवे नहीं।

थें ही थें बस रहो याद में,
याद थाँरी अब जावे नहीं,
थाँके बिन इक पल भी कटे ना,
हियो सुकूँ म्हारो पावे नहीं।

थाँको रंग नेणाँ में उतर ग्यो,
दूजा रंग निजरावे नहीं,
म्हारे दिल की तू है राणी,
दिल ने और सुहावे नहीं।

थांरी ही इक लगन हिये में,
दाय इत्तो कोई आवे नहीं,
जैसे बनसा म्हे थांने चाहूं,
और कोई थांने चावे नहीं।

जब भी मांगूँ म्हे तने मांगूँ,
दिल दूजो कुछ चावे नहीं,
तू तो धड़कन मांय रमे है,
सांस थारे बिन आवे नहीं।

थांकी मोबत जग सूं महंगी,
मोल कोई लग पावे नहीं,
ए मोलाँ म्हे खुद बिक जाऊँ,
तो भी करज चुक पावे नहीं।