मनड़े रो मोर बोले पिव पिव की वाणी लिरिक्स Manade Ro Mor Bole Song Lyrics

Saroj Jangir

मनड़े रो मोर बोले पिव पिव की वाणी लिरिक्स Manade Ro Mor Bole Song Lyrics

मनड़े रो मोर बोले पिव पिव की वाणी,
थे म्हारा राजा साजन मैं थांरी राणी,
दिल के कागज़ पर आपां,
मिलके लिखस्यां अपणी कहाणी।

दिल री बातां सूं भोळी तू हैं अणजाणी,
चाहत अग्नि रो दरियों समझे तू पाणी,
किण विद चाहत री कश्ती,
पार लगास्यां रुत हैं तुफानी।

छोटो सो जीवन साथी दो दिन जवानी,
वो क्या जवानी जिणरी हो ना कहाणी,
जी भर कर जी ले दिन,
जीवन रा थोड़ा छोटी जिंदगानी।

दुनिया चाहण री दुशमण सदियों पुराणी,
चाहत आ कोनी समझे मत कर नादानी,
खुशियां गिणती री और,
अणगिण हैं दुखड़ा सुणले दिवानी।

थारी चाहत में अखियां हैं जी दिवानी,
और जो दिवानी होवे कब किणरी मानी,
पी गयी चाहत में मीरा,
विष रो प्यालो ज्युं ठण्डो पाणी।

कोरे कागज सो दिल ओ म्हारो दिवानी,
चाहत की स्याही से तू लिख दे कहाणी,
लिख दे तू राजा म्हाने,
लिख दे खुद ने म्हारी हां राणी।

मनड़े रो मोर बोले पिव पिव की वाणी,
मैं थारो ये राजा सजनी तू म्हारी राणी,
कोरे कागज़ से दिल पर आ जा,
लिखल्यां अपणी कहाणी,
राजा राणी से प्यारी थारी,
ये म्हारी प्रेम कहाणी।