रूप नगर का थे हो राजा लागो घणा सोंग

Saroj Jangir

रूप नगर का थे हो राजा लागो घणा सोंग

रूप नगर का थे हो राजा,
लागो घणा सरूप,
मैं चूनर की छाया करदयूं,
लाग न जावे धूप,
बन्ना थारो चांद जिस्यो उनियारो,
थाने नैणा ल्येऊं बसाय,
बन्ना म्हाने थे लागो लाखीणा,
थांके नजर नहीं लग जाय,
बन्ना थारो चांद जिस्यो उनियारो,
थाने नैणा ल्येऊं बसाय।

केसरियो थांके सर साजे,
कमर कसी तलवार,
ए रोबीला नेणा थांका,
हुए कालजे पार,
बन्ना थांकी मिश्री सु मीठी बोली,
म्हारे तो मनड़े भाय,
बन्ना थांकी चाल गजब मतवाली,
देख्यां बिन रह्यो न जाय,
बन्ना थारो चांद जिस्यो उनियारो,
थाने नैणा ल्येऊं बसाय।

निरख निरख मैं थांकी सूरत,
खुद ने जाऊं भूल,
आओ थाने आज बणा ल्यूं,
मैं म्हारो शीशफूल,
बन्ना थे तो जीव जड़ी हो म्हारी,
थाने पलकां ल्येऊं बिठाय,
बन्ना मैं तो सौंप दियो सब थाने,
म्हाने राखो अंग लगाय,
बन्ना थारो चांद जिस्यो उनियारो,
थाने नैणा ल्येऊं बसाय।