कुण बांचे पाती
कुण बांचे पाती, बिना प्रभु कुण बांचे पाती।
कागद ले ऊधोजी आयो, कहां रह्या साथी।
आवत जावत पांव घिस्या रे (वाला) अंखिया भई राती॥
कागद ले राधा वांचण बैठी, (वाला) भर आई छाती।
नैण नीरज में अम्ब बहे रे (बाला) गंगा बहि जाती॥
पाना ज्यूं पीली पड़ी रे (वाला) धान नहीं खाती।
हरि बिन जिवणो यूं जलै रे (वाला) ज्यूं दीपक संग बाती॥
मने भरोसो रामको रे (वाला) डूब तिर्‌यो हाथी।
दासि मीरा लाल गिरधर, सांकडारो साथी॥ 

 Kun Baanche Paati
Kun Baanche Paati, Bina Prabhu Kun Baanche Paati.
Kaagad Le udhoji Aayo, Kahaan Rahya Saathi.
Aavat Jaavat Paanv Ghisya Re (Vaala) Ankhiya Bhi Raati.
Kaagad Le Raadha Vaanchan Baithi, (Vaala) Bhar Aai Chhaati.
Nain Niraj Mein Amb Bahe Re (Baala) Ganga Bahi Jaati.
Paana Jyun Pili Padi Re (Vaala) Dhaan Nahin Khaati.
Hari Bin Jivano Yun Jalai Re (Vaala) Jyun Dipak Sang Baati.
Mane Bharoso Raamako Re (Vaala) Dub Tir‌yo Haathi.
Daasi Mira Laal Giradhar, Saankadaaro Saathi.

(कुण=कौन, पाती=पत्र, साथी=कृष्ण, घिस्यारे=घिश गये, बाला=प्रियतम, राती=लाल, भर आई छाती= हृदय भर आया, नीरज=कमल, अम्ब=पानी, पाना= पत्ता, जिवड़ो=हृदय, डूबी तर्यो हाथी=डूबते हुए हाथी को उबारा, साँकड़ारो=संकट में, साथी=सहायक)