कैसे जिऊँ री माई, हरि बिन कैसे जिऊ री मीरा बाई पदावली

सुमन आयो बदरा । श्यामबिना सुमन आयो बदरा ॥ध्रु०॥
सोबत सपनमों देखत शामकू । भरायो नयन निकल गयो कचरा ॥१॥
मथुरा नगरकी चतुरा मालन । शामकू हार हमकू गजरा ॥२॥
मीरा कहे प्रभु गिरिधर नागर । समय गयो पिछे मीट गया झगरा ॥३॥

मैया मोकू खिजावत बलजोर । मैया मोकु खिजावत ॥ध्रु०॥
जशोदा माता मील ली जाबे । लायो जमुनाको तीर ॥१॥
जशोदाही गोरी नंदही गोरा । तुम क्यौं भयो शाम सरीर ॥२॥
मीरा कहे प्रभु गिरिधर नागर । नयनमों बरखत नीर ॥३॥

फिर बाजे बरनै हरीकी मुरलीया सुनोरे । सखी मेरो मन हरलीनो ॥१॥
गोकुल बाजी ब्रिंदाबन बाजी । ज्याय बजी वो तो मथुरा नगरीया ॥२॥
तूं तो बेटो नंद बाबाको । मैं बृषभानकी पुरानी गुजरियां ॥३॥
मीरा कहे प्रभु गिरिधर नागर । हरिके चरनकी मैं तो बलैया ॥४॥