बालम छोटो सो लिरिक्स Balam Chhoto So Lyrics Rajasthani Folk Song Lyrics

Saroj Jangir

बालम छोटो सो लिरिक्स Balam Chhoto So Lyrics Rajasthani Folk Song Lyrics

सात बरस को मेघूड़ो
पच्चीसा ढल रही नार, बालम छोटो सो
छोटो तो मोटो गौरी मत ना करो
कोई राख मरद री लाज,
मोटो होई जासी

बाजारां में जातां ढोलो हठ पकड्यो
म्हाने झुणझुणीयो दिला दे घरनार
बालम छोटो सो
झुणझुणीयो दिलासी थारा मायर बाप
म्हारी काया मत बालो भरतार जाता
बालम छोटो सो
हलवायां के जातां ढोलो हठ पकड्यो
म्हाने लाडुडो दिला दे घरनार
बालम छोटो सो
लाडूडो दिलासी थारा मायर बाप
म्हाने लाजां मत मारो भरतार
बालम छोटो सो

खातीडे के जाते जातां ढोलो हठ पकड्यो
म्हाने गाडुलो दिला दे घरनार
बालम छोटो सो

गाडूलो दिलासी थारा मायर बाप
म्हारी छाती मत बालो भरतार
बालम छोटो सो

महलां में जातां ढोलो हठ पकड्यो
म्हाने गोद'या में उठा ले घरनार
बालम छोटो सो

आछी रे परणाई म्हारा मायर बाप
म्हारो जोबन ऐड़ो जाय
बालम छोटो सो