म्हारा जनम मरण रा साथी लिरिक्स Mhara Janam Maran Ra Sathi Lyrics

म्हारा जनम मरण रा साथी, थाँने नहिं बिसरूँ दिन राती,
होजी, म्हारां जनम मरण रा साथी हो, थाँने नहिं बिसरूँ दिन राती,

थाँ देख्याँ बिन कल न पड़त है, जाणत मोरी छाती,
ऊँची चढ़ चढ़ पंथ निहारूँ, रोय-रोय अँखिया राती,
ऊँची चढ़ चढ़ पंथ निहारूँ श्याम,
ऊँची चढ़ चढ़ पंथ निहारूँ, रोय रोय अँखिया राती रे साँवरिया,
रोइ रोइ अँखिया राती रे, थाँने नहिं बिसरूँ दिन राती,
म्हारा जनम मरण रा साथी, थाँने नहिं बिसरूँ दिन राती,
होजी, म्हारां जनम मरण रा साथी हो, थाँने नहिं बिसरूँ दिन राती,

ओ सँसार सकल जग झूँठो, झूँठा कुल और न्याती,
दोउ कर जोड्याँ अरज करूँ, दोऊ कर जोड़्या अरज करूँ,
दोउ कर जोड्याँ अरज करूँ , सुणल्यो म्हारी बाती,
सुणज्यो म्हारी बाती, थाँने नहिं बिसरूँ दिन राती,
म्हारा जनम मरण रा साथी, थाँने नहिं बिसरूँ दिन राती,
होजी, म्हारां जनम मरण रा साथी हो, थाँने नहिं बिसरूँ दिन राती,

ओ मन मेरो बड़ो हरामी, ज्यूँ मदमातो हाथी,
सतगुरू हाथ धरियो सिर ऊपर,
आँकुस दे समझाती, सांवरियां,
आँकुस दे समझाती, थाँने नहिं बिसरूँ दिन राती,
म्हारा जनम मरण रा साथी, थाँने नहिं बिसरूँ दिन राती,
होजी, म्हारां जनम मरण रा साथी हो, थाँने नहिं बिसरूँ दिन राती,

पल पल पीव को रूप निहारूँ, निरख निरख सुख पाती,
मीरा के प्रभु गिरिधर नागर, हरि चरणाँ चित राती,
थाँने नहिं बिसरूँ दिन राती,
म्हारा जनम मरण रा साथी, थाँने नहिं बिसरूँ दिन राती,
होजी, म्हारां जनम मरण रा साथी हो, थाँने नहिं बिसरूँ दिन राती,