समय को भरोसो कोनी कद पलटी मार जावें लिरिक्स Samay Ko Bharoso Koni Kad Palati Lyrics

क्या होता क्या होत है, एक ज़रा सी देर में,
दिन पलटता देर ना लागे, इस जिंदगी के फ़ेर में,
कदे कदे गादड़ा (गीदड़ ) सूं सिंह हार जावे,
समय को भरोसो कोनी, कद पलटी मार जावें,

गुरु वशिष्ठ महामुनी ज्ञानी, लिख लिख बात बतावै,
श्री राम जंगळ में जावे, किस्मत पलटी खावे,
राजा दशरथ प्राण त्याग दे, हाथ लगा नयी (नहीं ) पावे,
समय को भरोसो कोनी, कद पलटी मार जावें,
कदे कदे गादड़ा सूं सिंह हार जावे,
समय को भरोसो कोनी, कद पलटी मार जावें,

राजा हरिश्चन्द्र रानी तारामती रोहितास कँवर कहावे,
ऐसो खेल रच्यो मेरे दाता, तीनों ही बिक जावें,
एक हरिजन एक ब्राम्हण घर, एक कुबजा घर जावें,
समय को भरोसो कोनी, कद पलटी मार जावें,
कदे कदे गादड़ा सूं सिंह हार जावे,
समय को भरोसो कोनी, कद पलटी मार जावें,

राजा की बेटी पदमा कहीजै मोर लार परणावे,
मोर जाए जंगळ में मर ग्यों, किस्मत पलटी खावे,
मैहर भई शिवजी की ऐसी, मोर को मरद बणावे,
समय को भरोसो कोनी, कद पलटी मार जावें,
कदे कदे गादड़ा सूं सिंह हार जावे,
समय को भरोसो कोनी, कद पलटी मार जावें,

राजा भरत री राणी पिंगला, महलां में सुख पावे,
शिकार खेलने राजा भरत री जंगळ में जावे,
गोरखनाथ गुरु ऐसा मिलिया, राजा जोगी बण जावे,
समय को भरोसो कोनी, कद पलटी मार जावें,
कदे कदे गादड़ा सूं सिंह हार जावे,
समय को भरोसो कोनी, कद पलटी मार जावें,

गुरु कहें ममता की बाणी, अमृत रस बरसावे,
म्हारों मनड़ो कह्यों नी माने, फिर फिर गोता खावें,
हरिदास गुरु मिलया पूरा, रामदास जस गावें,
समय को भरोसो कोनी, कद पलटी मार जावें,
कदे कदे गादड़ा सूं सिंह हार जावे,
समय को भरोसो कोनी, कद पलटी मार जावें,

ऐसे ही अन्य भजनों के लिए आप होम पेज / गायक कलाकार के अनुसार भजनों को ढूंढें.

ऐसे ही अन्य मधुर भजन देखें

पसंदीदा गायकों के भजन खोजने के लिए यहाँ क्लिक करें।

अपने पसंद का भजन खोजे

Sunita Swami || समय को भरोसो कोनी कद पलटी मार जावे || Samay ko bharoso Koni Kad Palti Maar Jave ||
Bhajan ; samye ko bharo so koni
Singer : Sunita Swami Jhorda { Nagaur }
Music ; Raju Swami : 7568324470
Recording : Sunita Swami

आपको ये पोस्ट पसंद आ सकती हैं