बाबा आँगन पधारो भजन

 बाबा आँगन पधारो, दरबार सजायो थारो,
करूँ विनती मैं बारंबार,
म्हाने दर्शन दयो एक बार।।
(1)

जोत जगाई बैठ्या म्हे थारी,
बेगा पधारो हे अवतारी।
थारो नाम धजा बंद धारी,
थारी महिमा है न्यारी।
करा बैठ्या म्हे थारी मन वार,
म्हाने दर्शन दयो एक बार।।
(2)

फूला सेज थारी सजाई,
भादवे री दूज है आई।
आओ-आओ हे अवतारी,
आँगन भीड़ लागी है भारी।
बाबा भगता री सुन लयो पुकार,
म्हाने दर्शन दयो एक बार।।
(3)

घोड़लिया चढ़ बेगा आओ,
भगता नै बाबा दर्श दिखाओ।
थारो "आदिवाल" है गावै,
महिमा भगता ने सुनावै।
करो सगला रो बेड़ो पार,
म्हाने दर्शन दयो एक बार।।