ऐसे ही अन्य मधुर भजन देखें 

 

Song - Yaad Kiya Na Kabhi
Singer - Sanjay Mittal
Copyright - Saawariya 

Dharti Ko Ambar Se Jode,
Uska Naam Mohabbat Hai,
Sheeshe Ko Patthar Se Tode,
Uska Naam Muhabbat Hai,
Qatra Qatra Sagar Tat Ko,
Jaati Hai Har Boond Magar,
Bahta Dariya Wapas Mod De,
Uska Naam Muhabbat Hai.

Yaad Kiya Na Kabhi Shyam Ko,
Bas Maya Hi Jodi,
Shyam Naam Dhan Siva Saath,
Na Jaayein Phooti Kaudi,
Shyam Bhajle, Shyam Bhajle.

Shyam Naam Dhan, Jo Tu Yahan Kamaayega,
Kabhi Na Bhulo, Kaam Wahan Wo Aayega,
Agar Shyam Se Pyaar Nahi Hai,
Kuch Tera Us Paar Nahi Hai,
Janam Hi Leti Phiregi Fir To,
Teri Ruh Nigaudi,
Shyam Bhajle, O Shyam Bhajle,
Shyam Bhajle.

Log Tujhe Bas, Marghat Tak Le Jaayenge,
Chahne Waale, Do Aansu Tapkaayenge,
Koi Na Tere Sang Chalega,
Chita Mein Har Ek Ang Jalega,
Jis Din Kroor Kaal Ki,
Sar Par Aakar Gire Hathodi,
Shyam Bhajle, O Shyam Bhajle,
Shyam Bhajle.

Maanavta Bhi Rahe, Tumhare Seene Mein,
Sab Mein Dekho Shyam, Maza Tab Jeene Mein,
Chhakkar Shyam Naam Ras Pe Le,
Mat Hone De Bandhan Dheele,
Aise Baandho To Dor Preet Ki,
Kabhi Na Jaaye Taudi,
Shyam Bhajle, O Shyam Bhajle,
Shyam Bhajle.

Kyun Sukh Dhoondh Rahe Ho Aaj Zamane Mein,
Gangajal Kya Milta Hai Maikhane Mein,
Saccha Sukh Shri Shyam Sharan Mein,
Inke Hi Gun Yash Varnan Mein,
Gajesingh Ne Bhajanon Se,
Bhakti Ki Boond Neechaudi,
Shyam Bhajle, Shyam Bhajle,
Yaad Kiya Na Kabhi Shyam Ko,
Bas Maya Ko Hi Jodi,
Shyam Naam Dhan Siva Saath,
Na Jaaye Phooti Kaudi,
Shyam Bhajle, Shyam Bhajle.