सपने के मैँ आया भोला होगी रै मुलाकात

"सपने के मा आया भोला" बहुत ही सुन्दर शिव भजन है जिसे स्वर दिया है "प्रदीप जांडली" जी  ने। इस भजन (सपने मै भोला | Sapne Mein Bhola) के लेखक अंकित गुज़रिया जी हैं। आप भी इस सुन्दर भजन को सुनिए, आपको जरूर पसंद आएगा।

 सपने के मैँ आया भोला, होगी रै मुलाकात सुणों,
सारा ज़िकरा चाल्याँ म्हारां, के के होई बात सुणों,
सपने के मैँ आया भोला, सपने के मैँ आया भोळा।

सपने के मैँ भोले न मैं जगाया हाथ पकड़ क़े,
एकदम मैं भी डर गया रै, फेर बैठ्याँ खाट पकड़ कै,
न्यूँ बोल्या तू मतना र डरिए बात कर बेधड़क कै,
इतणी कह क बैठ गया वो, मेरी खाट कै जड़ कै
हक़ीक़त तै कम ना था पल, होगी थी शुरुआत सुनोँ,
सपने के मैँ आया भोला, होगी रै मुलाकात सुणों,
सारा ज़िकरा चाल्याँ म्हारां, के के होई बात सुणों,
सपने के मैँ आया भोला, सपने के मैँ आया भोळा।

मैं बोल्या तू कर दे नाश हो, धोखबाज कसाइयाँ का,
सरेआम उरे मान घटे सै, मेरी जान फौजी भाइयाँ का,
लुगाई ख़ातिर यारी तोड़ ले, के बटै इसे सनाइयाँ का,
दुनियाँ की नज़र में सही बणै, दिल दुखा दे भाइयाँ का,
सारी कह मन की मन्ने, था पल दो पल का साथ सुणो,
सपने के मैँ आया भोला, होगी रै मुलाकात सुणों,
सारा ज़िकरा चाल्याँ म्हारां, के के होई बात सुणों,
सपने के मैँ आया भोला, सपने के मैँ आया भोळा।

मैं कै बोलू हो भोले तू सारी बात जाणै सै,
किसानां का हक़ भी भोले कोन्या थोड़ ठिकाणै सै,
अंकित गुजरिया सब कुछ लिख दे, जमाना आँख ताणै स
बोहोत कुछ यो रहगी मन म, तू भोले फीलिंग पिछाणै स
प्रदीप जांडली पीठ के पाछै, घटिया करते काट सुणो,
सपने के मैँ आया भोला, होगी रै मुलाकात सुणों,
सारा ज़िकरा चाल्याँ म्हारां, के के होई बात सुणों,
सपने के मैँ आया भोला, सपने के मैँ आया भोळा। 

 

आपको ये पोस्ट पसंद आ सकती हैं

• सावन है जबसे आया भक्त नाचे झूम झूमके
• डमरू आला यार मेरा भजन
• शिव शंकर चले कैलाश के बुंदिया पड़ने लगी