पोरा पाप रा आया भजन

पोरा पाप रा आया भजन

 

चहुँ दिस कळजुग छाया संतों,
ए पोरा पाप रा आया,
पोरा पाप रा आया,
छूटा नेम धर्म सब डूबा,
चहुँ दिसकलजुग छाया संतो,
पोरा पाप रा आया।

पहलो धरम हिन्दू रो डूबो,
गऊ माता कटवाया,
आँखिया रे हामी गायां कटिजै,
दया धरम नहीं जिण रे मन में,
ऐसा पंथ चलाया,
संतो, पोरा पाप रा आया,
छूटा नेम धर्म सब डूबा,
चहुँ दिसकलजुग छाया संतो,
पोरा पाप रा आया।

दुजो धर्म पिता जी रो डूबो,
बेटी ने बहकायां,
छूक जाणे ने सकपण छोड्यो,
कनियाँ रे कलंक लगाया,
पोरा पाप रा आया,
छूटा नेम धर्म सब डूबा,
चहुँ दिसकलजुग छाया, संतो,
पोरा पाप रा आया।

तीज्यो धर्म कन्या रो डूबो,
उलटी रीत चलाया जी,
परणयोड़ी या पाछी परणीजे,
पति दाई नी आया,
पोरा पाप रा आया।
छूटा नेम धर्म सब डूबा,
चहुँ दिसकलजुग छाया, संतो,
पोरा पाप रा आया।

चोथो धरम चोवटिया रो डूबो,
नांव पंचायती हलाया,
पञ्च पंचायती खोटी करे जी,
ऐड़ा न्याय कराया,
पोरा पाप रा आया,
छूटा नेम धर्म सब डूबा,
चहुँ दिसकलजुग छाया, संतो,
पोरा पाप रा आया।

पांचवा धरम बेटा रो डूबो,
माँ बाप सु करे लड़ाया,
पागल पुरुष नारी के वश में,
थे तो दाय नहीं आया,
पोरा पाप रा आया,
छूटा नेम धर्म सब डूबा,
चहुँ दिसकलजुग छाया, संतो,
पोरा पाप रा आया।

सगळा थे भाई हिल मिल चालो,
सम्पत सार चलाया,
मनुराम सतगुरु रे चरणे,
चरणों में सुख पाया,
संतो पोरा पाप रा आया।।
छूटा नेम धर्म सब डूबा,
चहुँ दिसकलजुग छाया, संतो,
पोरा पाप रा आया।

चहुँ दिस कळजुग छाया संतों,
ए पोरा पाप रा आया,
पोरा पाप रा आया,
छूटा नेम धर्म सब डूबा,
चहुँ दिसकलजुग छाया संतो,
पोरा पाप रा आया।