गुरुसा बिना कुण म्हाने प्रेम जळ पावे

गुरुसा बिना कुण म्हाने प्रेम जळ पावे

सरवर तरवर सन्त जन, चौथा बरसे मेह,
परमारथ के कारणे चारों धारी देह,
सतगुरु म्हारा बाणिया,
सतगुरु म्हारा बाणिया, बिणज करे व्यौपार,
बिन डांडी बिन ताकड़ी, गुरु तौल दिया संसार।

गुरुसा बिना कुण म्हाने प्रेम जळ पावे,
कूपाँ रा नीर, किण विध सूखे,
सीर सायर सूं आवे,
गुरुसा बिना कुण म्हाने प्रेम जळ पावे,

करमा री जहाजां दो प्रकारा,
शुभ अशुभ कहावै,
अशुभ करम ने मार हटावे,
राम नाम चित्त लावे रे,
गुरुसा बिना कुण म्हाने प्रेम जळ पावे।

सतगुरु म्हारां चंदण स्वरूपी,
फूल वासना देवे,
लिपटयोड़ा भुजंग मगन हो जावे,
कदे छोड़ नई जावे,
गुरुसा बिना कुण म्हाने प्रेम जळ पावे।

सतगुरु म्हारा भंवर स्वरूपी,
कीट पकड़ घर लावे,
दे घरणाटो शब्द सुणावै,
कर भँवरां रे उड़ावे,
गुरुसा बिना कुण म्हाने प्रेम जळ पावे।

दूध माहीं घृत मेहंदी में लाली,
ज्ञान गुरूसा सूं आवे,
कहत कबीर सुणो भाई साधों,
भाग पुरबला पावे रे,
गुरुसा बिना कुण म्हाने प्रेम जळ पावे।

गुरुसा बिना कुण म्हाने प्रेम जळ पावे,
कूपाँ रा नीर, किण विध सूखे,
सीर सायर सूं आवे,
गुरुसा बिना कुण म्हाने प्रेम जळ पावे,