खम्मा खम्मा हो रामा रुणिचे रा धणियां

खम्मा खम्मा हो रामा रुणिचे रा धणियां भजन

बाज रहया है तंदूरा, बाबे रे दरबार,
खम्मा खम्मा गावे है, झांजर री झंकार,
खम्मा खम्मा ओ रामा रुणिचे रा धणियां,
थाने तो ध्यावे आखो मारवाड़ ओ,
आखो गुजरात हो,
अजमाल जी रा कंवरा।
खम्मा खम्मा गावे है, झांजर री झंकार,
खम्मा खम्मा ओ रामा रुणिचे रा धणियां,
थाने तो ध्यावे आखो मारवाड़ ओ,
आखो गुजरात हो,
अजमाल जी रा कंवरा,
खम्मा खम्मा ओ रामा रुणिचे रा धणियां।

भादुरेडी दूज ने चमकियो जी सितारों,
पालनिया में झूलण आयो पालन हारो,
द्वारिका रा नाथ झूले पालनिया,
ओ रामा, द्वारिका रा नाथ झूले पालनिया,
अजमाल जी रा कंवरा,
खम्मा खम्मा ओ रामा रुणिचे रा धणियां,
थाने तो ध्यावे आखो मारवाड़ ओ,
आखो गुजरात हो,
अजमाल जी रा कंवरा,
खम्मा खम्मा ओ रामा रुणिचे रा धणियां।

माता मैणा दे ज्यारा पीता आजमल्जी
सुगनारा बीर रानी नेतल रा भरतार जी
जगमग ज्योत जागवानिया हो रामा जगमग ज्योत जागवानिया ,
अजमाल जी रा कंवरा,
खम्मा खम्मा ओ रामा रुणिचे रा धणियां,
थाने तो ध्यावे आखो मारवाड़ ओ,
आखो गुजरात हो,
अजमाल जी रा कंवरा,
खम्मा खम्मा ओ रामा रुणिचे रा धणियां।

बडोड़ा बीरम दे ने, छोटा रामदेवजी,
धोरा री धरती मे आया, आया रामा पीर जी,
कूं कूं रा पगल्या मांड्या आगणियां,
ओ रामा, कूं कूं रा पगल्या मांड्या आगणियां,
अजमालजी रा कंवरा,
खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
आखी गुजरात हो,
हो अजमालजी रा कंवरा।

सिर पे कीलंगी तुर्रो,
केसरियां है जामों,
भगतां री भीड़ आवै,
भोलो पीर रामों,
भगतां रो मान बढ़ावणिया,
ओ रामा, भगतां रो मान बढ़ावणिया,
अजमालजी रा कंवरा,
खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
आखी गुजरात हो,
हो अजमालजी रा कंवरा।

दिन बीत्यां रातां बीती बाबा थाने हेरता,
बरसां रा बरस बीत्यां  माला तरी फेरता,
हाथां री दुखन लागि आंगलियाँ,
अजमालजी रा कंवरा,
खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
आखी गुजरात हो,
हो अजमालजी रा कंवरा।

डाली बाई बाबा थारा पगल्यां पखारती,
लाछा और सुगणा बाई,
करे हरी की आरती,
हरजी भाटी रे मन भावनिया,
ओ रामा, हरजी भाटी रे मन भावणियां,
अजमालजी रा कंवरा,
खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
आखी गुजरात हो,
हो अजमालजी रा कंवरा।

खम्मा खम्मा हो रामा,
रुणिचे रा धणियां,
खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
बाबा गुजरात हो,
रै अजमालजी रा कंवरा,
(खम्मा खम्मा हो रामा,
रुणिचे रा धणियां,
थाने तो ध्यावे आखी मारवाड़ हो,
आखी गुजरात हो,
हो अजमालजी रा कंवरा)