वायक आया ओ गुरुदेव रा भजन

वायक आया ओ गुरुदेव रा भजन

 

वायक आया ओ गुरुदेव रा रै,
रूपा बाई जमले पधारो रे हाँ,
जमले माई जावणो,
जागे रावळ माळ,
रूपा गुरु से अरज करे,
गुरु म्हारे सामी भाल,
वायक आया ओ गुरुदेव,
राये रूपा जमले पधारो रे हाँ,
रूपा बाई जमले पधारो, रे हाँ,
नगरों माळ जागे रे, हाँ।

केम करे ने गुरूजी आविया रे,
सुता रावल माल जागे रे हाँ,
अरे निंद्रारा मँगवा सारा शहर री रे,
ढोलिया सांपडला ओढ़ाया रे हाँ,

इतरो करे ने रूपा हालिया रे,
आया रिखियों रे घर माई रे, हाँ,
इतरो करे ने रूपा हालिया रे,
आया रिखियों रे घर माई रे, हाँ,

सब रे संतो ने रामा राम जी रे,
म्हारां गुरुजी ने घणी खम्मा रे, हाँ,
म्हारां रै गुरुजी ने घणी खम्मा रे, हाँ,
हाथ जोड़ ने रूपा बाई बोलिया रे,
गुरु म्हारी मोचड़िया हेरोनी रे, हाँ,
गुरु म्हारी मोचड़िया हेरोनी रे, हाँ। 

 

बत्तियाँ बुझाणी सारा शहर की रे, हाँ,
नुगरा सुता रावल माल जागे ओ जी,
साकड़ी सेरी में सामी आविया रे,
रानीसा कवेला किन गया था रै।

हाथ जोड़ ने रूपा बोलिया रै,
आपणे फूल बीणवा गई रे हाँ,
हाथ जोड़ ने रूपा बोलिया रै,
आपणे फूल बीणवा गई रे हाँ।

रावल मालदे जी बोलिया रे,
रानीसा फूल कठ्या सूं लाया रे हाँ,
पहली बाड़ी रे दर रे डूंगर रै,
दूजी बेकुंठा के माहीं रे, हाँ,
तीजी बाड़ी सारा शहर माई रै,
चौथी स्वर्गा रे माई रे हाँ,

पहलो मारो रे मोहबी डीकरों,
दूजो हंसा वालो घोड़ो रे,हाँ,
तीजो मारो रे गऊ रो बाछड़ो,
चौथो मारो चन्द्रावल राणी रै, हाँ।

इतरों करे ने वीरा आवज्यो रै,
पछ थाने पंथडलो बतावा रे हाँ,
हाथ जोड़ ने रूपा बोलिया रे,
म्हारा अमरापुर में वासो रे हाँ,
साधुड़ो रो अमरा पुर में वासो रे हाँ,

वायक आया ओ गुरुदेव रा रै,
रूपा बाई जमले पधारो रे हाँ,
जमले माई जावणो,
जागे रावळ माळ,
रूपा गुरु से अरज करे,
गुरु म्हारे सामी भाल,
वायक आया ओ गुरुदेव,
राये रूपा जमले पधारो रे हाँ,
रूपा बाई जमले पधारो, रे हाँ,
नगरों माळ जागे रे, हाँ।