झूलत दोऊ नवल किशोर लिरिक्स Jhulat Dou Nawal Kishore Lyrics
झूलत दोऊ नवल किशोर लिरिक्स Jhulat Dou Nawal Kishore Lyrics, Radha Krishna Bhajan by श्री हित चतुरासी मधुर स्वर : श्री हित अम्बरीष जी
झूलत दोऊ नवल किशोर।रजनी जनित रंग सुख सूचत
अंग अंग उठि भोर।।
अति अनुराग भरे मिलि गावत
स्वर मन्दिर कल घोर।
बीच बीच प्रीतम चित चोरत
प्रिया नयनकी कोर।।
अबला अति सुकुमारि डरत मन
वर हिंडोर झकोर।
पुलकि पुलकि प्रीतम उर लागत
दै नव उरज अँकोर।।
उरझी विमल माल कंकण सौं
कुंडल सौं कच डोर।
वेपथ युत क्यों बनै विवेचित
आंनद बढयौ न थोर।।
निरखि निरखि फूलति ललितादिक
विवि मुख चंद्र चकोर।
दै अशीस श्रीहरिवंश प्रशंसित
कर अंचल की छोर।।
झूलत दोऊ नवल किशोर | वन विहार | श्री हित चतुरासी | श्री हित अम्बरीष जी
Rajani Janit Rang Sukh Suchat
Ang Ang Uthi Bhor..
Ati Anuraag Bhare Mili Gaavat
Svar Mandir Kal Ghor.
Bich Bich Pritam Chit Chorat
Priya Nayanaki Kor..
Abala Ati Sukumaari Darat Man
Var Hindor Jhakor.
Pulaki Pulaki Pritam Ur Laagat
Dai Nav Uraj Ankor..
Urajhi Vimal Maal Kankan Saun
Kundal Saun Kach Dor.
Vepath Yut Kyon Banai Vivechit
Aannad Badhayau Na Thor..
Nirakhi Nirakhi Phulati Lalitaadik
Vivi Mukh Chandr Chakor.
Dai Ashis Shriharivansh Prashansit
Kar Anchal Ki Chhor..
