बनवारी ओ कृष्ण मुरारी बता कुण मारी

Saroj Jangir

बनवारी ओ कृष्ण मुरारी बता कुण मारी

बनवारी ओ कृष्ण मुरारी,
बता कुण मारी,
पूछे यशोदा मात रै,
ओ लाला कहो थारे,
मनड़े री बात रै।

भेजो थे लाला तने गाय चरावण,
रोवतड़ो क्यू घर आयो,
किण से तू झगड़ो कर लीन्यो,
माटी में क्यू भर आयो,
कुण तन्ने मारी नाम बता दे,
मैया जद पुचकारे,
कानो रोवे दर्द घणों होवे,
जद मैया फेरे हाथ रे,
ओ लाला कहो थारे,
मनड़े री बात रै।

बैठयो थो मैया,
मैं कदम के नीचे,
बोली गुजरिया बंसी बजा,
नाट गयो मैं तो नाहीं बजाऊँ,
छीन म्हारी बंसी दिनी बगाय,
आज गुज़रिया मारी म्हाने,
सारी ही हिलमिल कर,
बंसी तोड़ी कलाई भी मरोड़ी,
और मारी मन्ने लात की,
मैया कोई ना सुनी म्हारी बात भी,
ओ लाला कहो थारे,
मनड़े री बात रै।

सुनकर के बाता मैया कान कुंवर की,
म्हारो हिवड़ो भर आयो,
माटी झाड़ी सारे बदन की,
और हिवड़े से लिपटायो,
भोलो ढाळो कछु नहीं जाने,
मेरो यो गोपालो,
गुज़री खोटी पकडूंगीं जाके चोटी,
मारूँगी बिने लात की,
ओ लाला कहो थारे,
मनड़े री बात रै।

मैया रे बाता सुन सुन कर मोहन,
मन ही मन मुस्काने लाग्यो,
तारा चंद कहे ई छलिया को,
भेद कोई ना जाण सक्यो,
ईरी माया योही जाने,
योही वेद पखाने,
पच पच हारा ऋषि मुनि सारा,
ई दिन और रात रे,
ओ लाला कहो थारे,
मनड़े री बात रै।

बनवारी ओ कृष्ण मुरारी,
बता कुण मारी,
पूछे यशोदा मात रै,
ओ लाला कहो थारे,
मनड़े री बात रै।

भजन श्रेणी : कृष्ण भजन (Krishna Bhajan)

Banwari O Krishna Murari || Jaya Kishori || Krishna Bhajan || Spiritual Activity

आपने भजन " Banwari O Krishna Murari || Jaya Kishori || Krishna Bhajan || 2015 #SpiritualActivity " के लिरिक्स देखे ऐसे ही अन्य भजनों की लिरिक्स देखने के लिए आप इस साईट पर विजिट जरुर करते रहें. इस भजन से सबंधित अन्य भजन निचे दिए गए हैं जो आपको अवश्य ही पसंद आयेगे, कृपया करके इन भजनों को भी देखें.