भोले तेरी भक्ति का अपना ही
न्यारा हो जा ओ पिया
न्यारा हो जा ओ पिया
न्यारा हो जा ओ पिया न्यारा हो जा,म्हारी नहीं पड़ेगी पार तू न्यारा हो जा,
न्यारा हो जा ओ पिया न्यारा हो जा,
न्यारा हो जा ओ पिया न्यारा हो जा।
अरे तू मत ना राड जगावे,
मत कुनबे ते पड़वावे,
तेरे आच्छे नहीं विचार,
क्यों न्यारा हो जा,
न्यारा हो जा,
ओ पिया न्यारा हो जा।
हमने पाइया दूध भतेरा,
चाय तेरी भी बन जा,
चाय मेरी भी बन जा,
बोतल मोनू की भर जा,
न्यारा हो जा,
न्यारा हो जा,
ओ पिया न्यारा हो जा।
हो मैं ताजी भैंस बांध दूं,
हो तू गेरा करिए न्यार,
सेवा करके कर दे त्यार,
दोनूं काढांगे फिर धार,
क्यों न्यारा हो जा,
न्यारा हो जा,
न्यारा हो जा,
ओ पिया न्यारा हो जा।
हमने एक ए कमरा भतेरा,
खटिया तेरी भी घल जा,
खटिया मेरी भी घल जा,
पलड़ा मोनू का घल जा,
न्यारा हो जा,
न्यारा हो जा,
ओ पिया न्यारा हो जा।
हो मैं कोठी नई बनवा दूं,
कमरा तेरा भी न्यारा,
कमरा मेरा भी न्यारा,
मोनू खातर चौबारा,
क्यूं न्यारा हो जा,
न्यारा हो जा,
न्यारा हो जा,
ओ पिया न्यारा हो जा।
हमने पाइया चून भतेरा,
रोटी तेरी भी बन जा,
रोटी मेरी भी बन जा,
चूरमा मोनू का बनजा,
न्यारा हो जा,
न्यारा हो जा,
ओ पिया न्यारा हो जा।
हो तू रोटी पोन में झीके,
मेरे बूढ़े से मां-बाप,
उन पे काम बने ना आप,
गौरी लागे ला रे पाप,
क्यों न्यारा हो जा,
न्यारा हो जा,
न्यारा हो जा,
ओ पिया न्यारा हो जा।
न्यारा हो जा, न्यारा हो जा,
न्यारी होके के काढ़गी,
इस देही ने कष्ट दिया कर,
देही ने के गाडगी,
बुड्ढे मां बापा का मेरा,
कोन्या और सहारा है,
उनकी सेवा कौन करेगा,
क्यों कर हो जा न्यारा रे।
मेरे खातर इन ने छोरा,
और करा ना पैदा रे,
मां बाप ने कती भूलगी,
देखें अपना फायदा रै,
पाइया पाइया दूध चून में,
क्यों कर काम चला लेगी,
जै आजा कोई घर में बटेऊ,
किस किस के मुंह लागेगी,
घर में मानस पाँच गिना कर,
क्यूं कर गिनती छोड़ी रै,
मां बापा के लात मार कर,
किसके लागी रे ड्योढी रे,
जितनी प्यारी तू सै मने,
उतना प्यारा मोनू रै,
महेंद्र भट्टी मां बापू,
के साथ रहेंगे दोनों रै।
न्यारा हो जा ओ पिया न्यारा हो जा,
म्हारी नहीं पड़ेगी पार तू न्यारा हो जा,
न्यारा हो जा ओ पिया न्यारा हो जा,
न्यारा हो जा ओ पिया न्यारा हो जा।
सांग श्रेणी : हरियाणवी फोक सांग (Hariyanavi Folk Song)
हरियाणवी गीत | न्यारा होजा हो पिया न्यारा हो जा | Haryanvi Geet | Kajal Malik & Pardeep Panchal
