कुण तो सुणेला कुणने सुनाऊं

Saroj Jangir

कुण तो सुणेला कुणने सुनाऊं म्हारे मन की बात

कुण तो सुनैला कुण ने सुनाऊं,
म्हारे मन की बात,
थां बिन दुखड़ा कोण हरे,
खाटू वाला श्याम,
श्याम थारा दास पुकारे,
दास ने मत बिसरा रे।

अईया कईया रुठ्यो बाबा,
मुंह फेर बैठ्यो रे,
टाबर रोवे ढल-ढल थारा,
कालजो यो टूट्यो रे,
अब तो सुन ले सेठ सांवरा,
बाता म्हारी मान,
थां बिन दुखड़ा कोण हरे,
खाटू वाला श्याम,
श्याम थारा दास पुकारे,
दास ने मत बिसरा रे।

थारे बिना श्याम थारा,
दास बिचारा है,
म्हे तो सुन्या हा थे तो,
हारया का सहारा है,
मैं भी दर पर हार के आयो,
चरण लगाल्यो श्याम,
थां बिन दुखड़ा कोण हरे,
खाटू वाला श्याम,
श्याम थारा दास पुकारे,
दास ने मत बिसरा रे।

गुण अवगुण सब,
म्हारा स्वीकार्या है,
‘दीक्षा’ ने सांवरिया थे,
कालजे लगाया है,
सदा श्याम थारा गुण गाऊं,
लेऊं थारो नाम,
थां बिन दुखड़ा कोण हरे,
खाटू वाला श्याम,
श्याम थारा दास पुकारे,
दास ने मत बिसरा रे।

कुण तो सुनैला कुण ने सुनाऊं,
म्हारे मन की बात,
थां बिन दुखड़ा कोण हरे,
खाटू वाला श्याम,
श्याम थारा दास पुकारे,
दास ने मत बिसरा रे।