ओ बाबा मनै अपना बना ले नै लिरिक्स O Baba Manne Apna Banale Lyrics

श्याम जी बाबा जी,
श्याम जी बाबा जी,
सुनो भक्त फरियाद,
अपना बना ले नै,
ओ बाबा मनै अपना बना ले नै।

सारी दुनिया घूम लिया मैं,
कहीं सहारा ना पाया,
खाकै ठोकर दुनिया की,
तेरे खाटू धाम में मैं आया,
करुं आठौं पहर तनै याद,
अपना बना ले नै।

मनै सुण्या तू कष्ट मिटाता,
मेरे भी कष्ट मिटादे रै,
खाटू वाले श्याम मेरा भी,
सोया भाग जगादे रै,
सुन लै नै दिल की बात,
अपना बनाले नै।

तनै भी ना फरियाद सुनी तो,
और कहां मैं जाऊंगा,
रोकै पूछैं हंसकै उडा़दैं,
दिल की किसे बतलाऊंगा,
बिना मतलब ना दे कोई साथ,
अपणा बनाले नै।

मान लिया मनै तुझको अपना,
तू माने या ना माने,
राणा गजेंदर दास तेरा यो,
बस बाबा तुझको जाने,
सरपे लोकेश के रखना हाथ,
अपणा बनाले नै।

श्याम जी बाबा जी,
श्याम जी बाबा जी,
सुनो भक्त फरियाद,
अपना बना ले नै,
ओ बाबा मनै अपना बना ले नै।