मांगटी कोटिया गाँव मोहने लिरिक्स Mangati Kotiya Ganv Mohane Lyrics

Saroj Jangir

मांगटी कोटिया गाँव मोहने लिरिक्स Mangati Kotiya Ganv Mohane Lyrics

मांगटी कोटिया गाँव मोहने,
बागड़िया ठाणे गाँवदा,
समाल्टी बागेड़िया नराये,
पहुँचा दशऊ गांवदा।

छत्तरधारी की आई बराशौ,
दशऊ पशगांवदी,
वास्तु गिरिया ठारिया ऊजूणी,
बिऊजी पन्द्रह गांवकी।

ठडियारी के देवा बापुड़िया,
छत्तरधारी चालेदिया,
सारे कुशीड़ राखिया देवा,
आमूके आदिंया जादिंया।

आखरी दियौड़ पुजा सन्दौड़,
बाजी समाल्टी मन्दिरें,
टिकावा ऐबे लागदाना कदी,
गाँवदा बाण्डा बितरे।

रींगी रींगी घुमी फिरी के,
आई बरांश गांव दी,
समाल्टीयो सबासे तुमुके,
बारी आई पशगाँव की।

धाई चिंगाटी ध्याणी रुणी,
मैंसा के बाठी बाठे,
आखी दीं आशुवा हाथ जोड़ी के,
रुणे जबी समाल्टे।

छोड़ी लेई जिनुए,
थाती माटी देवा,
तिनुके समझाया,
सतबुद्धि के साथ तिनूके,
बेरा के घरै पहुछाया।

बोलान्दा महासू पांचवा वीरो,
कलगी विराणो नावकीं,
जेठडी लाडली खत,
देवकी दशऊ पशगांवकी।

बारिया पिड़िया खंपी नटी देवा,
तांऊके ठरदू ठरदू,
पशगांई के आखे दियणे,
देवके हेरदू हेरदू।

अगाशो पताड़ो मातड़ोगोंऐला,
नाचो दशऊ थानो दा,
देखो दी तमासा महासू,
तिरलोकी भगवान का।

शाकरे माण्डी के छत्तराई,
तमगाई भी पोऊछे गावन्दे,
देव तमासी जो आवन्दे लागे,
ओकदे भाजे गावन्दे,

सुनौड़ा गबेला मलेथा धौधा,
मझगाँव गमरी ढाढवा,
कितरौली कोटा भूपोऊ,
मटियाना मैलोत दुणवा।

हाजा दशौऊ देवा,
एैजै तेरे खती के गांव महासूवा,
ऊईने सूईने राती दूसो,
तेरी अरेजी लाअ मासूआ।

जै छत्तरधारी देवा,
जै देवा महासूवा,
दाशऊ गाँव हसीये खेलिये,
समाल्टी आखीन्दी आशूवा।

नगरासो शे फूलटे जशे,
हसीये पशगांईये,
इन्द्रासण शो गांव दशऊ,
ऐला अ जगमगाई ये।