राधा कृष्ण जी को झगड़ो गावे लिरिक्स Radha Krishna Ji Ko Jhagado Lyrics

आधी रात पहर को तड़को,
गुजरीय पानी लेबा जाए,
बोलो राम राम,
आडा जो टेडा कृष्णजी,
मिल गया गुजरीय घूंघट,
खोल बोलो राम राम,
घूंघट तोर कान्हा में नहीं खोला,
माक घर आजो मेहमान,
बोलो राम राम।
आधी रात पहर को तड़को,
गुजरीय खिड़की खोल,
बोलो राम राम।

खिड़की तोर कान्हा जद में खोला,
म्हारा घर को करो सारो काम,
बोलो राम राम,
बुवारी उठायर कान्हौ कचरो काढ़यो,
कचरा ने दियो र फकाय,
बोलो राम राम,
गोबर उठायर कान्हौ थापडया,
जो थापी छाणा दिया र सुखाय,
बोलो राम राम,
गाया भी दूई कान्हौ भैस्या भी दुई,
दुई म्हारी ज्ञान वाली गाय,
बोलो राम राम।

घमड़ घमड़ कान्हौ छाछ बलोव,
माखन दियो र निकाल,
बोलो राम राम,
माखन मिश्री का कान्हो भोग लगावे,
दुनिया में छाछ बटाय,
बोलो राम राम,
सब्जी बणायर कान्हौ फूलका बनाया,
कुटुम्ब दियो र जिमाय,
बोलो राम राम,
सांझ पड़ी दिन आतण लाग्यो,
गुजरिया घूंघट खोल,
बोलो राम राम।

घूंघट तोर कान्हा में नहीं खोला,
राधा रुक्मणी जोव थारी बाट,
बोलो राम राम,
धम धम करता मेहला चढ़ गया,
राधा य खिड़की खोल,
बोलो राम राम,
खिड़की तोर कान्हा में नहीं खोला,
कठे बीताई सारी रात,
बोलो राम राम,
धीरे धीरे बोलो य राधा,
होले होले बोलो,
सुण म्हारा मायर बाप,
बोलो राम राम।

पिताजी सुण तो कान्हा,
मैं नहीं डरपा सांची,
खेवो मान बात,
बोलो राम राम,
माताजी सुन तो कान्हा,
मैं नहीं डरपा सांची,
खेवो मान बात,
बोलो राम राम,
रात तो य राधा गुजरीक,
बिताई सांची,
खेवा थान बात,
बोलो राम राम,
राधाकृष्णजी को झगड़ो गावे,
वास बेंकुठा जाए,
बोलो राम राम।