बिंद बणिया रे चारभुजा जी लिरिक्स

Saroj Jangir

बिंद बणिया रे चारभुजा जी Beend Baniya Re Charbhuja Ji Bhajan Lyrics

बिंद बणिया रे चारभुजा जी,
लाडी मारी तुलसा ओ राज,
नाचो कूदो बधाओ गाओ,
सेठ परणवाने जावे राज।

सिर पे मुकुट काना में कुंडल,
मुख पे मुरली सोवे वो राज,
मीठी मीठी मुरली सुनावे,
तुलसा रे मनड़े भावे वो राज,
बिंद बणिया रे चारभुजा जी,
लाडी मारी तुलसा ओ राज।

चांदी रा रथड़ा में म्हारो,
सांवरीयो बिराजे वो राज,
आगे आगे ढोल बजत है,
बरातियों ने नचावे वो राज,
बिंद बणिया रे चारभुजा जी,
लाडी मारी तुलसा ओ राज।

मूंगा मोला रो चीर ओढायो,
घुंघटा में नथड़ी सोवे वो राज,
पांच पच्चीस मिल बैठी सहेलियां,
तुलसा रो नैनो निरखे वो राज,
बिंद बणिया रे चारभुजा जी,
लाडी मारी तुलसा ओ राज।

चार थंबा री चंवरी रचाई,
सोना रा तार खिचाया वो राज,
चार वेद ब्रह्मा जी बांचिया,
मंगला चार सुनाया वो राज,
बिंद बणिया रे चारभुजा जी,
लाडी मारी तुलसा ओ राज।

बिंद बणिया रे चारभुजा जी,
लाडी मारी तुलसा ओ राज,
नाचो कूदो बधाओ गाओ,
सेठ परणवाने जावे राज।