सुनसी सुनसी सांवरो सुनाकर देख ले लिरिक्स Sunsi Sunsi Sanwaro Lyrics
मन की बाता सांवरिये ने,आज सुणा के देख ले,
सुणसी सुणसी सांवरो,
तू टेर लगाकर देख ले।
गली गली क्यू भटक रह्यो तू,
श्याम खड्यो तेरे आगे,
तेरी पीड़ा वो ही हरेगो,
चालेगो तेरे सागे,
गेलो टेढ़ो बाबो सीधो,
बदले भाग्य की रेख रे,
मन की बाता सांवरिये ने,
आज सुणा के देख ले,
सुणसी सुणसी सांवरो,
तू टेर लगाकर देख ले।
दुनिया से के आश करे है,
श्याम ही सांचो साथी,
मन दिवले ने जगमग करले,
घाल प्रेम की बाती,
रोम रोम में श्याम रमाळे,
फेर तमाशो देख ले,
मन की बाता सांवरिये ने,
आज सुणा के देख ले,
सुणसी सुणसी सांवरो,
तू टेर लगाकर देख ले।
खाटू माहीं लगी कचहरी,
श्याम करे सुनाई,
सांचो न्याय चुकातो आयो,
जाने पीड़ परायी,
बिन्नू सुना दे बाता सारी,
चरना माथो टेकले,
मन की बाता सांवरिये ने,
आज सुणा के देख ले,
सुणसी सुणसी सांवरो,
तू टेर लगाकर देख ले।
आपको ये पोस्ट पसंद आ सकती हैं