ਸਤਿਗੁਰ ਨਾਨਕ ਤੇਰੀ ਲੀਲਾ ਨਿਆਰੀ ਏ

 ========================
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,
ਨੀਝਾਂ ਲਾ ਲਾ, ਵੇਂਹਦੀ ਦੁਨੀਆਂ ਸਾਰੀ ਏ ll
ਭੁੱਲ ਭੁਲੇਖੇ, ਮੁੜ ਕੇ ਫੇਰਾ ਪਾ ਜਾਵੀਂ*,
ਚਾਰੇ ਕੂੰਟ ਹਨੇਰਾ, ਜੋਤ ਜਗਾ ਜਾਵੀਂ ll
ਬਾਣੀ ਦੇ ਥਾਂ ਫ਼ੈਸ਼ਨ, ਚੜ੍ਹੀ ਖ਼ੁਮਾਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,,,,
ਕੌਡੇ ਨਾਲੋਂ ਵੱਧ ਕੇ, ਹੁਣ ਵੀ ਰਾਖਸ਼ ਨੇ*,
ਕੂੜ ਕਮਾਂਦੇ ਫਿਰਦੇ, ਝੂਠੇ ਆਸ਼ਕ ਨੇ ll
ਛੱਡ ਜਾਣਾ ਨੇਹੁ ਲਾ ਕੇ, ਕੀ ਦਿਲਦਾਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,,,,
ਤੇਰੇ ਏਥੇ ਬੰਦੇ, ਆਦਮ ਖਾਣੇ ਨੇ*,
ਸੱਜਣ ਨਾਲੋਂ ਵੱਧ ਕੇ, ਠੱਗ ਸਿਆਣੇ ਨੇ ll
ਸਧਨੇ ਦੇ ਹੱਥ, ਮੁੜ ਕੇ ਫੜੀ ਕਟਾਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,,,,
ਭਾਗੋ ਵਰਗਿਆਂ ਲੋਕਾਂ, ਲੁੱਟ ਮਚਾਈ ਏ*,
ਹੱਕ ਬੇਗਾਨਾ ਖਾਣਾ, ਕੀ ਵਡਿਆਈ ਏ ll
ਅੱਜ ਓਹ ਮੌਜ਼ ਉਡਾਵੇ, ਜੋ ਹੰਕਾਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,,,,
ਤੂੰ ਖੁਸ਼ੀਆਂ ਦੀ ਖੇਤੀ, ਹੱਲ ਚਲਾਂਦਾ ਸੈਂ*,
ਦਸਾਂ ਨੌਂਹਾਂ ਦੀ, ਕਿਰਤ ਕਮਾਈ ਖਾਂਦਾ ਸੈਂ ll
ਤਾਹੀਉਂ ਤੇਰੀ ਸ਼ੋਭਾ, ਹਰ ਥਾਂ ਭਾਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,,,,,
'ਜੱਟ' ਦੀ ਤਾਰ, ਦੀਵਾਨੀ ਪਈ ਕੁਰਲਾਂਦੀ ਏ*,
ਆ ਦੁਨੀਆਂ ਦੇ ਬਾਲੀ, ਤਰਲੇ ਪਾਂਦੀ ਏ ll
ਵਿੱਚ ਵਿਛੋੜੇ ਤੇਰੇ, ਏਹ ਦੁਖਿਆਰੀ ਏ,
ਸਤਿਗੁਰ ਨਾਨਕ, ਤੇਰੀ ਲੀਲਾ ਨਿਆਰੀ ਏ,,,
ਸਤਿਗੁਰ ਨਾਨਕ, ਤੇਰੀ ਲੀਲਾ,,,,,,,,,,,,,
ਅਪਲੋਡਰ- ਅਨਿਲਰਾਮੂਰਤੀਭੋਪਾਲ