मानसपाठ:बालकांड भाग-१३ लिरिक्स Manaspath Balkan Lyrics

नाम प्रसाद संभु अबिनासी। साजु अमंगल मंगल रासी।।
सुक सनकादि सिद्ध मुनि जोगी। नाम प्रसाद ब्रह्मसुख भोगी।।
नारद जानेउ नाम प्रतापू। जग प्रिय हरि हरि हर प्रिय आपू।।
नामु जपत प्रभु कीन्ह प्रसादू। भगत सिरोमनि भे प्रहलादू।।
ध्रुवँ सगलानि जपेउ हरि नाऊँ। पायउ अचल अनूपम ठाऊँ।।
सुमिरि पवनसुत पावन नामू। अपने बस करि राखे रामू।।
अपतु अजामिलु गजु गनिकाऊ। भए मुकुत हरि नाम प्रभाऊ।।
कहौं कहाँ लगि नाम बड़ाई। रामु न सकहिं नाम गुन गाई।।
दोहा
नामु राम को कलपतरु कलि कल्यान निवासु।
जो सुमिरत भयो भाँग तें तुलसी तुलसीदासु।।26।।

चहुँ जुग तीनि काल तिहुँ लोका। भए नाम जपि जीव बिसोका।।
बेद पुरान संत मत एहू। सकल सुकृत फल राम सनेहू।।
ध्यानु प्रथम जुग मखबिधि दूजें। द्वापर परितोषत प्रभु पूजें।।
कलि केवल मल मूल मलीना। पाप पयोनिधि जन मन मीना।।
नाम कामतरु काल कराला। सुमिरत समन सकल जग जाला।।
राम नाम कलि अभिमत दाता। हित परलोक लोक पितु माता।।
नहिं कलि करम न भगति बिबेकू। राम नाम अवलंबन एकू।।
कालनेमि कलि कपट निधानू। नाम सुमति समरथ हनुमानू।।
दोहा
राम नाम नरकेसरी कनककसिपु कलिकाल।
जापक जन प्रहलाद जिमि पालिहि दलि सुरसाल।।27।।

भायँ कुभायँ अनख आलसहूँ। नाम जपत मंगल दिसि दसहूँ।।
सुमिरि सो नाम राम गुन गाथा। करउँ नाइ रघुनाथहि माथा।।
मोरि सुधारिहि सो सब भाँती। जासु कृपा नहिं कृपाँ अघाती।।
राम सुस्वामि कुसेवकु मोसो। निज दिसि दैखि दयानिधि पोसो।।
लोकहुँ बेद सुसाहिब रीतीं। बिनय सुनत पहिचानत प्रीती।।
गनी गरीब ग्रामनर नागर। पंडित मूढ़ मलीन उजागर।।
सुकबि कुकबि निज मति अनुहारी। नृपहि सराहत सब नर नारी।।
साधु सुजान सुसील नृपाला। ईस अंस भव परम कृपाला।।
सुनि सनमानहिं सबहि सुबानी। भनिति भगति नति गति पहिचानी।।
यह प्राकृत महिपाल सुभाऊ। जान सिरोमनि कोसलराऊ।।
रीझत राम सनेह निसोतें। को जग मंद मलिनमति मोतें।।

आकाशवाणी मानसपाठ:बालकांड भाग-१३ (ākāśavāṇī mānasapāṭha:bālakāṁḍa bhāga-13)

Nāma prasāda sambhu abināsī. Sāju amaṅgala maṅgala rāsī..
Suka sanakādi sid'dha muni jōgī. Nāma prasāda brahmasukha bhōgī..
Nārada jānē'u nāma pratāpū. Jaga priya hari hari hara priya āpū..
Nāmu japata prabhu kīnha prasādū. Bhagata sirōmani bhē prahalādū..
Dhruvam̐ sagalāni japē'u hari nā'ūm̐. Pāya'u acala anūpama ṭhā'ūm̐..
Sumiri pavanasuta pāvana nāmū. Apanē basa kari rākhē rāmū..
Apatu ajāmilu gaju ganikā'ū. Bha'ē mukuta hari nāma prabhā'ū..
Kahauṁ kahām̐ lagi nāma baṛā'ī. Rāmu na sakahiṁ nāma guna gā'ī..
Dōhā
nāmu rāma kō kalapataru kali kalyāna nivāsu.
Jō sumirata bhayō bhām̐ga tēṁ tulasī tulasīdāsu..26..

Cahum̐ juga tīni kāla tihum̐ lōkā. Bha'ē nāma japi jīva bisōkā..
Bēda purāna santa mata ēhū. Sakala sukr̥ta phala rāma sanēhū..
Dhyānu prathama juga makhabidhi dūjēṁ. Dvāpara paritōṣata prabhu pūjēṁ..
Kali kēvala mala mūla malīnā. Pāpa payōnidhi jana mana mīnā..
Nāma kāmataru kāla karālā. Sumirata samana sakala jaga jālā..
Rāma nāma kali abhimata dātā. Hita paralōka lōka pitu mātā..
Nahiṁ kali karama na bhagati bibēkū. Rāma nāma avalambana ēkū..
Kālanēmi kali kapaṭa nidhānū. Nāma sumati samaratha hanumānū..
Dōhā
rāma nāma narakēsarī kanakakasipu kalikāla.
Jāpaka jana prahalāda jimi pālihi dali surasāla..27..

Bhāyam̐ kubhāyam̐ anakha ālasahūm̐. Nāma japata maṅgala disi dasahūm̐..
Sumiri sō nāma rāma guna gāthā. Kara'um̐ nā'i raghunāthahi māthā..
Mōri sudhārihi sō saba bhām̐tī. Jāsu kr̥pā nahiṁ kr̥pām̐ aghātī..
Rāma susvāmi kusēvaku mōsō. Nija disi daikhi dayānidhi pōsō..
Lōkahum̐ bēda susāhiba rītīṁ. Binaya sunata pahicānata prītī..
Ganī garība grāmanara nāgara. Paṇḍita mūṛha malīna ujāgara..
Sukabi kukabi nija mati anuhārī. Nr̥pahi sarāhata saba nara nārī..
Sādhu sujāna susīla nr̥pālā. Īsa ansa bhava parama kr̥pālā..
Suni sanamānahiṁ sabahi subānī. Bhaniti bhagati nati gati pahicānī..
Yaha prākr̥ta mahipāla subhā'ū. Jāna sirōmani kōsalarā'ū..
Rījhata rāma sanēha nisōtēṁ. Kō jaga manda malinamati mōtēṁ..

आपको ये पोस्ट पसंद आ सकती हैं