बाबा श्याम धणी मैं रात दिना थारी बाट

बाबा श्याम धणी मैं रात दिना थारी बाट

बाटलिया थारी जोवती,
म्हारी आँखड़लिया दिन रात,
आवो म्हारा साँवरा,
तो कोई करल्या मनड़े री बात,
बाबा श्याम धणी,
मैं रात दिना थारी बाट जोवती,
थारे बंसी की आवाज़ म्हारे,
कानां में गूंजती,
आजा रे आजा, बंसी बजैया,
आणू पड़ सी,
जादू भरी बाँसुरी,
बजानी पड़ सी,
म्हारा श्याम धणी,
बाबा श्याम धणी,
मैं रात दिना थारी बाट जोवती।

सांवरिया म्हारो हिवड़ो पुकारे,
आँखड़िया म्हारी नीर बहावे,
मनड़ो इत उत दौड़ लगावे,
आजा बाबा थारी जोगण,
थाने ही बुलावे,
आंख्या काजल सोहे,
म्हें तो थासूं प्रीत कर ली,
आंख्या काजल सोहै।

बाबा सबकी आस पुरावे,
सेवक चरणाँ में शीश नवावे,
भटक्योड़ा ने बाबा, राह दिखावे,
बांसुरी बजाकर बाबा,
जादू कर जावे,
बेगा आवो ने, बेगा आवो ने,
थारी राधा थाने याद करती,
थारे बंसी की आवाज़,
म्हारे कानां में गूँजती,
थारे बंसी की आवाज़ म्हारे,
कानां में गूंजती,
आजा रे आजा, बंसी बजैया,
आणू पड़ सी,
जादू भरी बाँसुरी,
बजानी पड़ सी,
म्हारा श्याम धणी,
बाबा श्याम धणी,
मैं रात दिना थारी बाट जोवती।