बहुत बड़ो बड़भागी है जो निशान चढ़ावे

बहुत बड़ो बड़भागी है जो निशान चढ़ावे

किस्मत वाले ने ही,
फागण माहीं खाटू बुलावे जी,
क़िस्मत वाळे ने,
बहुत बड़ो बड़भागी है जो,
निशान चढ़ावे जी।

पैदल चालणिये के सागै,
बाबो पैदल चाले जी,
रस्ते का सारा संकट यो,
पल में टाले जी,
किस्मत वाले ने ही,
फागण माहीं खाटू बुलावे जी,
क़िस्मत वाळे ने।

यूँ तो बारह महीनो,
म्हारो श्याम को मेलो लागे जी,
पर बाबा ने फागण प्यारो,
जग बतलावे जी,
किस्मत वाले ने ही,
फागण माहीं खाटू बुलावे जी,
क़िस्मत वाळे ने।

ग्यारह महीना जावो ना जावो,
पर फागण में जावो जी,
श्याम कहे यो आँख मीच,
भण्डार लुटावे जी,
किस्मत वाले ने ही,
फागण माहीं खाटू बुलावे जी,
क़िस्मत वाळे ने।

किस्मत वाले ने ही,
फागण माहीं खाटू बुलावे जी,
क़िस्मत वाळे ने,
बहुत बड़ो बड़भागी है जो,
निशान चढ़ावे जी।
किस्मत वाले ने ही,
फागण माहीं खाटू बुलावे जी,
क़िस्मत वाळे ने।